ច្បាស់ហើយ! បុរសបោះសំរាមចោលក្នុងព្រែកសារភាពកំហុស និងប្រាប់ពីមូលហេតុ

2018-10-13 06:13:53
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រភពពីក្រសួងបងរិស្ថានឲ្យដឹឹងថាបុរសម្នាក់ដែលបោះសំរាមចោលក្នុងព្រែកកោះយ៉ខេត្តកោះកុងបានសារភាពកំហុស និងសុំទោសជាសាធារណៈពីកំហុសឆ្គងរបស់ខ្លួននៅព្រឹកនេះ។

(លោក សាយ សារុត បានទទួលស្គាល់ថាខ្លួនបានប្រព្រឹត្តកំហុស និងថ្លែងទទួលស្គាល់កំហុសនេះ និងសន្យាថាមិនប្រព្រឹត្តទៀតឡើយ/រូបភាព៖ ក្រសួងបរិស្ថាន)

នៅលើបណ្តាញសង្គមហ្វេសប៊ុកមានការចែករំលែកតៗគ្នានូវវីដេអូឃ្លីបមួយស្តីពីបុរស់ម្នាក់បានឈប់ម៉ូតូអូសរទេះមួយនៅលើស្ពាន និងបានបោះសំរាមចូលក្នុងទឹក។ តាមរយៈវីដេអូនេះធ្វើឲ្យមានការរិះគន់ជាច្រើនពីអ្នកប្រើប្រាស់បណ្តាញសង្គម។

ក្រសួងបរិស្ថានបានសរសេរនៅលើទំព័រហ្វេសប៊ុករបស់ខ្លួននារសៀលនេះថាបុរសម្នាក់ដែលបានបោះសំរាមពីលើស្ពានចូលក្នុងព្រែកកោះយ៉កាលពីថ្ងៃទី១២ ខែតុលា ឆ្នាំ ២០១៨ ត្រូវបានស្គាល់អត្តសញ្ញាណហើយគឺមានឈ្មោះថា សាយ សារុត ជាអ្នកប្រមូលសំរាមនៅផ្សារប៉ាក់ខ្លង ស្រុកមណ្ឌលសីម៉ា ខេត្តកោះកុង។

ប្រភពដដែលបន្តថាបុរសរូបនេះបានសារភាព និងទទួលស្គាល់កំហុសដែលខ្លួនបានប្រព្រឹត្ត ក្រោយពីបានធ្វើការអប់រំណែនាំធ្វើកិច្ចសន្យានៅអធិការដ្ឋាននគរបាលស្រុកមណ្ឌលសីម៉ានៅព្រឹកថ្ងៃទី១៣ ខែតុលានេះ នៅចំពោះមុខមន្ត្រីមន្ទីរបរិស្ថានខេត្តកោះកុង និងអាជ្ញាធរស្រុក។

ក្រសួងសរសេរទៀតថា៖ «បុរសរូបនេះបានបញ្ជាក់ថាការណ៍ដែលខ្លួនបោះសំរាមចោលខ្លះដោយសារតែម៉ូតូដឹកសំរាមរបស់ខ្លួនខូច និងមិនអាចអូសសំរាមទៅមុខរួច ហេតុដូច្នេះត្រូវបោះសំរាមចោលខ្លះ។ សាយ សារុត បានទទួលស្គាល់ថាខ្លួនបានប្រព្រឹត្តកំហុស និងថ្លែងទទួលស្គាល់កំហុសនេះ និងសន្យាថាមិនធ្វើដូច្នេះទៀតឡើយ»៕

អត្ថបទ៖ ទូច សុខា