គ្រូកម្ពុជាថា ត្រូវការពេលវេលាច្រើនទៀត ដើម្បីឲ្យកីឡាករសម្របទម្រង់លេងថ្មី

2018-10-14 02:58:00
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Felix Agustin Gonzalez Dalmas គ្រូបង្វឹករបស់កម្ពុជាបាននិយាយក្រោយការប្រកួតកម្ពុជាស្មើ២-២ ជាមួយទីម័រខាងកើតថា កូនក្រុមរបស់ខ្លួនត្រូវការពេលវេលាច្រើនទៀត ដើម្បីសម្របទៅតាមទម្រង់ដែលលោកដាក់ឲ្យលេងថ្មី។

ក្រុមកម្ពុជា

ដៃស្ដាំរបស់ Honda រូបនេះបានឲ្យដឹងថា វាទើបតែចាប់ផ្ដើមប៉ុណ្ណោះ ដូច្នេះវាមើលទៅហាក់នៅថ្មីសម្រាប់ទម្រង់លេង ដែលលោក និង Honda កំពុងរៀបចំដាក់ឲ្យកីឡាករកម្ពុជាលេង។ លោកយល់ថា កីឡាករកម្ពុជាត្រូវការពេលវេលាច្រើនទៀត ដើម្បីសម្របការលេងទៅតាមការចង់បានរបស់លោក និង Honda ។

លោកបន្ថែមថា បើមើលទៅលើទម្រង់លេង និងឥរិយាបថរបស់កីឡាករនៅលើទីលាន ទោះពួកគេបង្កកំហុសយ៉ាងណា ក៏លោកមិនអាចបន្ទោសបានដែរ។ លោកមើលឃើញថា កូនក្រុមទាំងអស់បានព្យាយាមលេងទៅតាមអ្វីដែលគ្រូបានដាក់ឲ្យលេង។ ប៉ុន្តែប្រហែលជាកីឡាករទាំងអស់មិនទាន់សម្របបាន ពិសេសពួកគេមានភាពនឿយហត់ជាមួយលំហាត់ពិបាកៗ ដែលគ្រូបានដាក់ឲ្យពេលហ្វឹកហាត់។

ក្រុមគោព្រៃកម្ពុជា នឹងធ្វើការប្រកួតទី៣របស់ខ្លួនក្រោមការដឹកនាំរបស់លោក Felix Agustin Gonzalez Dalmas និង Honda ជាមួយសិង្ហបុរីនាថ្ងៃទី១៦ ខែតុលា ឆ្នាំ២០១៨ វេលាម៉ោង ៦:៣០ នាទីល្ងាចនៅពហុកីឡដ្ឋានជាតិ៕