Ariana Grande និងគូដណ្ដឹង សម្រេចចិត្តចែកផ្លូវគ្នា ក្រោយភ្ជាប់ពាក្យបាន ៤ ខែ
- 2018-10-15 02:44:27
- ចំនួនមតិ 0 | ចំនួនចែករំលែក 0
Ariana Grande និងគូដណ្ដឹង សម្រេចចិត្តចែកផ្លូវគ្នា ក្រោយភ្ជាប់ពាក្យបាន ៤ ខែ
ចន្លោះមិនឃើញ
អស់រយៈពេលត្រឹមតែ ៤ ខែ ក្រោយភ្ជាប់ពាក្យជាមួយគ្នា ពេលនេះ តារាចម្រៀង Ariana Grande និងគូដណ្ដឹង Pete Davidson បានសម្រេចចិត្តចែកផ្លូវគ្នា។
បើតាមសារព័ត៌មាន TMZ បានបញ្ជាក់ថា គូស្នេហ៍មួយគូនេះ បានលុបចោលការរៀបការរបស់ពួកគេកាលពីសប្ដាហ៍មុន ក្រោយស្វែងយល់ថា ពេលវេលាសម្រាប់ពួកគេបច្ចុប្បន្នគឺមិនសមគួរឲ្យបន្តទំនាក់ទំនងមួយនេះតទៅទៀត។
តារាចម្រៀង Ariana Grande បានសម្រេចយល់ព្រមភ្ជាប់ពាក្យជាមួយតារាកំប្លែង Pete Davidson កាលពីខែមិថុនា ក្រោយទាក់ទងគ្នាទើបតែបានប៉ុន្មានសប្ដាហ៍។ ជាមួយគ្នានោះដែរ កាលពីខែមុននេះ អតីតមិត្តប្រុសរបស់នាង Mac Miller ត្រូវបានប្រទះឃើញស្លាប់ក្នុងវ័យទើបតែ ២៦ឆ្នាំ ដែលជាហេតុធ្វើឲ្យតារាចម្រៀងស្រីរូបនេះ កាន់ទុក្ខអតីតមិត្តប្រុសរបស់ខ្លួនលើបណ្ដាញសង្គម Twitter និងព្យាយាមលាក់បាំងខ្លួនឲ្យឆ្ងាយពីភ្នែកមហាជនទូទៅ។ នាងបានសម្រេចចិត្តលុបចោលកម្មវិធីទាំងប៉ុន្មានដែលនាងមាន ដោយសារតែ នាងនៅមានអារម្មណ៍ធុញថប់ មិនសប្បាយចិត្តខ្លាំង។
តាមប្រភព TMZ ដដែលបានបញ្ជាក់បន្ថែមថា បើទោះបីជាទំនាក់ទំនងពួកគេត្រូវបានបញ្ចប់មែនទៅហើយក្ដី ប៉ុន្តែនៅថ្ងៃមុខ ពួកគេអាចនឹងត្រឡប់រកគ្នាវិញម្ដងទៀតក៏ថាបាន៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
