ប៉ះអេស្ប៉ាញយប់នេះ អង់គ្លេសត្រូវការឈ្នះដាច់ខាតបន្តសង្ឃឹមនៅ Nations League

2018-10-15 04:21:14
ចំនួនមតិ 0 | ចំនួនចែករំលែក 0

ចន្លោះមិនឃើញ

តោកំណាចអង់គ្លេសនឹងត្រូវធ្វើដំណើរជួបជើងខ្លាំងអេស្ប៉ាញក្នុងការប្រកួតទី៣នៃពាន Nations League ក្នុង Group4 នៃ League A ដែលត្រូវលេងម៉ោង១:៤៥ រំលងអាធ្រាត្រ។

ក្នុង Group4 នេះមាន៣ក្រុមដូចជា អេស្ប៉ាញ អង់គ្លេសនិងក្រូអាត។ តាមប្រព័ន្ធលេងក្នុងផ្ទះក្រៅផ្ទះ ពួកគេត្រូវលេងម្នាក់៤ប្រកួត។ ឆ្លងកាត់ពីរប្រកួតកន្លងទៅអេស្ប៉ាញឈ្នះទាំងអស់ ឯអង់គ្លេសនិងក្រូអាតស្មើ១ ចាញ់១ដូចគ្នា។ ដូច្នេះប្រកួតពិតជាសំខាន់សម្រាប់អង់គ្លេស ប្រសិនពួកគេចាញ់នោះអស់សិទ្ធិឡើងវគ្គពាក់កណ្ដាលផ្ដាច់ព្រ័ត្រ League A ហើយ។

ព័ត៌មានខ្លះៗនៃក្រុមទាំងពីរ

ខ្សែការពាររបស់ Liverpool កីឡាករ Joe Gomez នឹងចាប់ផ្ដើមជាជម្រើសដំបូងឲ្យអង់គ្លេស ក្រោមការដឹកនាំរបស់លោក Gareth Southgate។
Joe Gomez ត្រូវមកជំនួស John Stones ដែលកំពុងជាប់បម្រើ ក្រោយបានកាតលឿងទី២ ពេលប៉ះជាមួយក្រូអាតស្មើគ្នា ០-០
Sergio Busquets, Marcos Alonso និង Marco Asensio នឹងមកជួយអេស្ប៉ាញវិញ បន្ទាប់ពីមិនបានលេងពេលប៉ះវែលកាលពីថ្ងៃព្រហស្បតិ៍មុនឈ្នះ ៤-១
Sergio Ramos រីករាយក្នុងនាមជាអ្នកទាត់ប៉េណាល់ទីឲ្យអេស្ប៉ាញ

ប្រវត្តិជួបគ្នា

ជួបគ្នា១៣ដងចុងក្រោយអង់គ្លេសឈ្នះតែ៣ដងគត់ ឯអេស្ប៉ាញដល់៧ដង និងស្មើគ្នា៣ដង
ទៅលេងនៅដីអេស្ប៉ាញ អ្នកចាំទីអង់គ្លេសដែលបិទមិនឲ្យធ្លុះសំណាញ់គឺ Peter Shilton ក្នុងឆ្នាំ១៩៨០
អង់គ្លេសឈ្នះអេស្ប៉ាញក្រៅដីចុងក្រោយនៅឆ្នាំ១៩៨៧ កាលនោះឈ្នះ ៤-២
៣៨ប្រកួតចុងក្រោយក្នុងដី អេស្ប៉ាញមិនទាន់ចាញ់សោះ ឈ្នះ៣៤ ស្មើ៤
Harry Kane ខកខានរកគ្រាប់បាល់ឲ្យអង់គ្លេសសម្រាប់៦ប្រកួតចុងក្រោយ៕