Liying និង Shaofeng ក្លាយជាប្ដីប្រពន្ធស្របច្បាប់ ក្រោយសាមីខ្លួនប្រកាសជាសាធារណៈ
- 2018-10-16 03:50:00
- ចំនួនមតិ 0 | ចំនួនចែករំលែក 0
Liying និង Shaofeng ក្លាយជាប្ដីប្រពន្ធស្របច្បាប់ ក្រោយសាមីខ្លួនប្រកាសជាសាធារណៈ
ចន្លោះមិនឃើញ
នៅថ្ងៃទី ១៦ ខែតុលានេះ តារាសម្ដែង Zhao Liying និង Feng Shaofeng បានប្រកាសលើបណ្ដាញសង្គម Weibo ថា ពួកគេទាំង២ ពិតជាបានក្លាយជាប្ដីប្រពន្ធស្របច្បាប់មែន។
នៅលើគណនី Weibo ផ្លូវការរបស់ តារាសម្ដែង Zhao Liying និង Feng Shaofeng ពួកគេបានបង្ហោះរូបភាព ២ សន្លឹក ដោយមួយជារូបលិខិតអាពាហ៍ពិពាហ៍ និងមួយសន្លឹកទៀតជារូបរបស់ពួកគេទាំង ២នាក់ ដោយបង្ហាញយ៉ាងច្បាស់ថា គូស្នេហ៍មួយគូនេះ ពិតជាបានក្លាយជាប្ដីប្រពន្ធនឹងគ្នាពិតមែន។
គួរបញ្ជាក់ដែរថា កាលពីមុន គូស្នេហ៍តារាសម្ដែងមួយគូនេះ ត្រូវបានសារព័ត៌មានជាច្រើនចាប់បានជាច្រើនលើក ពីទំនាក់ទំនងស្នេហាលួចលាក់របស់ពួកគេ ប៉ុន្តែពួកគេបែរជាព្យាយាមលាក់បាំង និងនៅតែបដិសេធមិនឆ្លើយតប។ រហូតមកដល់ថ្ងៃទី ១៦ នេះ ដែលត្រូវជាថ្ងៃខួបកំណើតផ្ទាល់របស់តារាសម្ដែង Zhao Liying ផងនោះ ទើបពួកគេដាច់ចិត្តទម្លាយពីទំនាក់ទំនងរបស់ខ្លួនជាផ្លូវការ៕