តារាចម្រៀង នៅ ណាវីន ប្រកាសលក់ផ្ទះ និង ដីដើម្បីយកប្រាក់ទៅប្ដូរ ក្រលៀននៅឥណ្ឌា
- 2018-10-16 04:44:40
- ចំនួនមតិ 0 | ចំនួនចែករំលែក 0
តារាចម្រៀង នៅ ណាវីន ប្រកាសលក់ផ្ទះ និង ដីដើម្បីយកប្រាក់ទៅប្ដូរ ក្រលៀននៅឥណ្ឌា
ចន្លោះមិនឃើញ
តារាចម្រៀង និងកំប្លែង នៅ ណាវីន ហៅ ជ្រុយ ប្រកាសលក់ផ្ទះ និងដីនៅស្រុកកំណើតដើម្បីយកថវិកាទៅវះកាត់ប្ដូរក្រលៀននៅប្រទេសឥណ្ឌាក្នុងពេលឆាប់នេះ។
បើតាមលោក ម៉ាដូណា ឲ្យដឹងថា តារាចម្រៀង នៅ ណាវីន ឥឡូវកំពុងសម្រាកព្យាបាលនៅ ខេត្តសុរិន្ទ ប្រទេសថៃ ក្រោយការយកចិត្តទុកមើលថែពីក្រុមគ្រូពេទ្យថៃ។ ប៉ុន្តែក្រោយពីការតាមដានជំងឺ គ្រូពេទ្យថៃ បានរកឃើញថា នាងមានបញ្ហាខូចក្រលៀនធ្ងន់ធ្ងរ ដូច្នេះត្រូវទៅប្ដូរនៅប្រទេសឥណ្ឌា កាន់តែឆាប់កាន់តែល្អ។
តែគួរឲ្យសោកស្ដាយអំឡុងពេលនេះ នៅ ណាវីន មិនមានថវិកាគ្រប់គ្រាន់ដើម្បីទៅវះកាត់ប្ដូរក្រលៀន ទើបនាង ប្រកាសលក់ដី និងផ្ទះប្រញាប់នៅឯខេត្តកំពង់ធំ។ លោកថា៖" ណាវីន គាត់ចង់ទៅប្ដូរឆាប់ៗតែអត់មានលុយគ្រប់ទេ ទោះបីគាត់លក់ដីឡានផ្ទះក៏ដោយ ព្រោះប្ដូរក្រលៀនត្រូវចាយលុយ ៥ម៉ឺនដុល្លារដូចបង យូឌីស្កូ ដែរ"។
ដូច្នេះក្នុងនាមជាសិល្បករម្នាក់ ម៉ាដូណា សូមអំពាវនាវមហាជនទាំងក្នុង និងក្រៅស្រុកឲ្យ ជាពិសេសបងប្អូនសិល្បៈមេត្តាជួយជាថវិកាដើម្បីឲ្យ នៅ ណាវីន បានទៅវះកាត់ប្ដូរក្រលៀននៅប្រទេសឥណ្ឌាដូច យូឌីស្កូ៕