តារាចម្រៀងល្បីៗប៉ែកអឺរ៉ុបទាំងនេះ សុទ្ធតែជាអ្នកប៉ងចង់ច្រៀងជាមួយ BTS

2018-10-17 00:10:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រជាប្រិយភាពរបស់ BTS កាន់តែហក់ឡើងពីមួយថ្ងៃទៅមួយថ្ងៃ ហេតុនេះមិនចម្លែកទេដែលតារាចម្រៀងល្បីឈ្មោះជាច្រើន នៅប៉ែកអឺរ៉ុបប្រាថ្នាចង់សហការបង្កើតបទចម្រៀងជាមួយ។

ទោះបីតារាល្បីៗមួយចំនួនមិនទាន់បានចេញចម្រៀងជាមួយក្រុម K-Pop មួយនេះ ប៉ុន្តែយ៉ាងណាពួកគេសុទ្ធតែបង្ហាញក្ដីរំពឹង ថាចង់រួមសហការជាមួយ BTS បង្កើតបទចម្រៀង ដែល ជាចំណីអារម្មណ៍ថ្មីសម្រាប់អ្នកគាំទ្រ។

១. តារាចម្រៀង Shawn Mendes

BTS និង Shawn Mendes សុទ្ធតែចង់ចេញចម្រៀងរួមគ្នា ហើយថែមទាំងបង្ហាញតម្រុយដល់អ្នកគាំទ្រ ពីឱកាសរួមសហការរវាងពួកគេទាំងសង្ខាងទៀតផង។

២. ក្រុមចម្រៀង Maroon 5

កាលពីឆ្នាំមុន អ្នកគាំទ្រ បានសួរ Maroon 5 ថាតើពួកគេមានគម្រោងរួមគ្នាចេញបទចម្រៀងជាមួយ BTS ទេ? ទាក់ទងនឹងសំណួរនេះ ក្រុមនេះបានបង្ហាញតម្រុយបែបអាថ៌កំបាំងជាច្រើន ហាក់ធ្វើឲ្យអ្នកគាំទ្រជឿជាក់ថា អ្វីដែលពួកគេទន្ទឹងនឹងក្លាយជាការពិតនៅថ្ងៃណាមួយ ទោះបីក្រុមបានលុបតម្រុយទាំងនោះចោលក៏ដោយ។

៣. ផលិតករចម្រៀង Zedd

កាលពីខែវិច្ឆិកា ឆ្នាំមុន ផលិតករជនជាតិរុស្សីកាត់អាល្លឺម៉ង់រូបនេះ និងក្រុមចម្រៀង BTS បានបង្ហាញការគាំទ្រគ្នាទៅវិញទៅមក។ Zedd បានឮថា BTS គឺជាអ្នកគាំទ្រខ្លួនដែរ ហើយត្រឡប់ទៅវិញលោកក៏បានប្រាប់ទៅវិញដែរថា លោកក៏ជាអ្នកគាំទ្រ BTS ដែរ។ជាមួយគ្នានោះ Zedd ក៏បានបង្ហោះសារមួយ ដោយថែមទាំងបាន Tag ឲ្យ BTS និងបានបង្ហើបពាក្យពេចន៍ខ្លះៗ បញ្ជាក់ពីគម្រោងចាប់ដៃ BTS ទៀត។

៤. តារាចម្រៀង Troye Sivan

វិលទៅខែឧសភា BTS បាននិយាយថា Troye Sivan គឺជាអ្នកដែលពួកគេចង់ធ្វើការជាមួយនាពេលអនាគត។ ប៉ុន្តែតាមពិតមុនពេល BTS បានប្រកាសនោះ Troye ក៏បាននិយាយដែរថាខ្លួនចង់សាកសហការជាមួយ BTS ម្ដង។

៥. ក្រុមចម្រៀង DNCE

ងាកមកក្រុមចម្រៀងអាមេរិកមួយនេះ ក៏មានបំណងសហការជាមួយនឹង BTS ដែរ នេះក៏ដោយសារការស្រឡាញ់ និងពេញចិត្តក្រុមចម្រៀងមួយនេះ។

៦. តារាចម្រៀង Maluma

តារាចម្រៀងឡាទីនរូបនេះបានទម្លាយចំៗឥតលាក់ថា លោកពិតជាចង់ធ្វើការជាមួយ BTS ខ្លាំង ហើយប្រសិនថ្ងៃណាមួយស្នាដៃសហការពួកគេចេញមកមែន នោះនឹងប្លែកជាក់ជាមិនខាន ព្រោះវាអាចជាការលាយបញ្ចូលគ្នារវាងចង្វាក់បែបឡាទីន និង K-Pop។

៧. តារាចម្រៀង Tinashe