៦ ហេតុផល Google Pixel 3 គ្មានគីឡូយកឈ្នះ iPhone XS

2018-10-16 13:21:12
ចំនួនមតិ 0 | ចំនួនចែករំលែក 0

ចន្លោះមិនឃើញ

Google ទើបដាក់បង្ហាញស្មាតហ្វូនជំនាន់ក្រោយ Pixel 3 និង Pixel 3 XL រចនាតួខ្លួនថ្មី បន្សំការអភិវឌ្ឍប្រព័ន្ធដំណើរការកម្មវិធីកាន់តែទំនើបនិងរហ័សជាងមុន។ ថ្វីបើមានចំណុចខ្លាំងច្រើន ប៉ុន្តែមាន ៦ ហេតុផលធ្វើឲ្យស្មាតហ្វូនរបស់ Google សេរ៊ីថ្មីនេះ មិនអាចផ្ដួល iPhone XS របស់ Apple បាន។

៦.ល្បឿនដំណើរការ:

Apple បច្ចុប្បន្នជាប់ឈ្មោះជាក្រុមហ៊ុនផលិតស្មាតហ្វូនដំណើរការលឿនបំផុតក្នុងលោក ដោយបំពាក់នូវបន្ទះឈីប A12 Bionic។ Pixel 3 ប្រើបន្ទះឈីប Snapdragon 845 តែសោកស្តាយមានទំហំ RAM ត្រឹម 4GB ជាលទ្ធផលបង្ហាញក្នុង Geekbench ចាញ់ទាំងដំណើរការ OnePlus 6 និង Pocophone F1 ថែមទៀតផង។

៥.ការរចនាស្រស់ស្អាតជាង:

និយាយដល់ការរចនា រូបរាងតួខ្លួនខាងក្រៅ Pixel 3 XL ពិតជាមិនអាចផ្តួលស្លាកយីហោ Apple សេរ៊ីឆ្នាំ ២០១៨ បានឡើយ។ ថ្វីបើជាទម្រង់ស្នាមអេក្រង់ឆក ប៉ុន្តែការរចនាគែមសមខាងអេក្រង់ត្រកូល Pixel នៅសល់គែមក្រាស់ជាង។

៤.កាមេរ៉ាភ្លោះ អាចថត 4K 60fps:

ទទួលស្គាល់ថាបច្ចេកវិទ្យាកាមេរ៉ារបស់ Google Pixel ធ្វើបានល្អច្រើននាប៉ុន្មានឆ្នាំមកនេះ ប៉ុន្តែផ្នែកកាមេរ៉ាក្រោយមានត្រឹមមួយគ្រាប់ គ្មាន Telephoto Lens បែបនេះសមត្ថភាពនៃការថតមួយចំនួនក៏នៅមិនទាន់បានល្អគ្រប់គ្រាន់។ ចំពោះការថតវីដេអូជំនាន់ឆ្នាំ ២០១៨ របស់ Google មិនអាចថតវីដេអូ 4K នៅលក្ខខណ្ឌ 50fps បានឡើយ។

៣.ទំហំអង្គផ្ទុក 512GB:

ថ្វីបើទំហំ 128GB ជាអង្គផ្ទុកស្តង់ដារសម្រាប់អ្នកប្រើប្រាស់ទូទៅ ប៉ុន្តែ Apple នៅបន្តតម្រូវចិត្តអតិថិជនត្រូវការអង្គផ្ទុកធំ 512GB ពោលក៏ជាចំណុចខ្លាំង ស្របពេល Pixel 3 ក៏ពុំមានរន្ធបន្ថែម microSD Card ដូចត្រកូល Android ដទៃ។

២.ប្រើប្រាស់ SIM ពីរ:

មិនដូចគូប្រជែង Android ដទៃ ក្រុមហ៊ុន Google ពុំចាប់អារម្មណ៍ដាក់ឲ្យឧបករណ៍អាចដំណើរការស៊ីមពីរ រហូតដល់ឆ្នាំនេះ Apple មិនទុកមុខឲ្យ ក៏សម្រេចចេញលក់ iPhone ស៊ីមពីរជាលើកដំបូងក្នុងប្រវត្តិសាស្រ្ត ហើយក៏ទទួលបានការចាប់អារម្មណ៍យ៉ាងក្រាស់ក្រែលផងដែរ។

១.Face ID:

Pixel 3 បានត្រឹមប្រើប្រាស់មុខងារស្កេនខ្ចៅដៃនៅខ្នងក្រោយ ពុំមានបច្ចេកវិទ្យាស្កេនផ្ទៃមុខដូច iPhone XS ឬអាចថាចាញ់ទាំងប្រភេទ Android ធុនកណ្តាលបច្ចុប្បន្នទៀតផង។ ប៉ុន្តែសូមបញ្ជាក់ថាសម្រាប់ Face ID លើ iPhone ឆ្លងកាត់កាមេរ៉ា TrueDepth ពោលគឺបង្កើតសុវត្ថិភាពខ្លាំងជាងគូប្រជែងដទៃ។