ផ្ញើជូនជាពិសេស! PUBG ចេញវិធានការណ៍ក្តៅគគុក សម្រាប់អ្នកចូលចិត្តលេង Hack

2018-10-16 12:15:08
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងវេទិកានៃគេហទំព័រផ្លូវការរបស់ PUBG បានប្រកាសពីដំណើរការតេស្តប្រព័ន្ធ Anti-cheat ដើម្បីស្វែងរកឧបករណ៍របស់អ្នកលេងណាមួយមានប្រើប្រាស់ Hack សម្រាប់ជំនាន់ PC។ វិធានការថ្មីនឹងលើសពីការបិទចោលគណនី ដោយក្រុមហ៊ុនផលិតហ្គេម PUBG ក៏នឹងចងចាំទុកនូវម៉ាស៊ីនឬឧបករណ៍ដែលបានប្រើប្រាស់ Hack រួចធ្វើការបិទចោលព្រមគ្នាមិនឲ្យបើកលេងបានទៀតនៅពេលក្រោយ។

ស្រដៀងគ្នានឹងការប្រកាសសម្រាប់អ្នកលេងលើម៉ាស៊ីន Xbox ខាងក្រុមហ៊ុនក៏នឹងបិទចោលគណនីនោះជាបណ្ដោះអាសន្ន ប្រសិនរកឃើញថាមានការលេង Hack ជាប្រភេទតម្រង់កាណុងកាំភ្លើងស្វ័យប្រវត្តិ ការបាញ់ធ្លុះជញ្ជាំង និងការហោះលើអាកាសជាដើម។

តាមការសិក្សាអ្នកលេង Hack ភាគច្រើនមាន ៩៩ ភាគរយចេញពីប្រទេសចិន ដោយ PUBG ក៏ទើបសម្រេចបិទចោល ១៣ លានគណនីរាប់តាំងពីខែមិថុនា ដោយខ្ពស់បំផុតប្រព័ន្ធ Anti-cheat ចាប់ដៃជាមួយ BattleEye រកឃើញមានអ្នកលេងចន្លោះពី ៦ ០០០ ទៅ ១៣ ០០០ នាក់ ប្រើប្រាស់ Hack ជារៀងរាល់ថ្ងៃ។

លើសពីនេះសម្រាប់ស្ថាប័នឬអ្នកបង្កើតនិងជួញដូរបន្តនូវប្រព័ន្ធ Hack ក៏នឹងប្រឈមនូវការផ្ដន្ទាទោសកាន់តែធ្ងន់ធ្ងរ ព្រោះកាលពីខែឧសភាកន្លងទៅក្នុងប្រទេសចិនមានការបង្កើតអាជីវកម្មខ្នាតធំដោយចាប់បានជនសង្ស័យចំនួន ១៨ កន្លែង ហើយរកឃើញថាប្រតិបត្តិការចំណូលមានដល់ ៣,១ លានដុល្លារ រហូតដល់ ៤,៧ លានដុល្លារ។

ប្រភព: https://www.abacusnews.com/digital-life/pubg-permanently-ban-your-gaming-device-if-youre-caught-cheating/article/2168623