គ្រូទាយល្បីឈ្មោះ Ming-Chi Kuo និយាយអ្វីខ្លះពី iPhone XR មុនដល់ថ្ងៃចេញលក់ផ្លូវការ?

2018-10-16 12:40:58
ចំនួនមតិ 0 | ចំនួនចែករំលែក 0

ចន្លោះមិនឃើញ

យោងតាមរបាយការណ៍របស់លោក Ming-Chi Kuo អ្នកវិភាគនៅក្រុមហ៊ុន TF International Securities បានប៉ាន់ប្រមាណថាតួលេខលក់ចេញ iPhone XR សេរ៊ីឆ្នាំ ២០១៨ របស់ Apple នឹងមានការកើនឡើង ១០ ភាគរយនាត្រីមាសទី ៤។

ជើងខ្លាំងដែលធ្វើការព្យាករណ៍ត្រឹមត្រូវជាញឹកញយរូបនេះ ក៏សង្កត់ធ្ងន់ថាក្រុមហ៊ុនយក្សអាមេរិកនឹងអាចលក់ចេញ iPhone XR ចន្លោះពី ៣៦ លាន ទៅ ៣៨ លានគ្រឿង កើនឡើងពីការប៉ាន់ស្មានលើកមុនថាមានត្រឹម ៣៣ ទៅ ៣៥ លានគ្រឿង។ ជាតួលេខសរុបនៃ iPhone គ្រប់ម៉ូឌែលក៏នឹងអាចកើនដល់ ៧៨ ទៅ ៨៣ លានគ្រឿងធៀបនឹងឆ្នាំចាស់ ២០១៧ មានត្រឹម ៧៧,៣ លានគ្រឿង។

លោក Kuo បានបញ្ជាក់៖ "យើងជឿជាក់ថាតម្រូវការម៉ូឌែល XR នឹងកាន់តែប្រសើរធៀបនឹងជំនាន់ iPhone 8 ឆ្នាំទៅ ព្រោះ XR មានអេក្រង់ធំ ថាមពលថ្មកាន់ជាងមុន អាចគាំទ្រស៊ីម ២ គួបផ្សំការរចនារូបរាងថ្មី"។

រំឭកថា iPhone XR មានតម្លៃ ៧៤៩ ដុល្លារជាជំនាន់កូនកាត់ iPhone X មានជម្រើសច្រើនពណ៌ ដោយអាចប្រើប្រាស់ Face ID ប៉ុន្តែបំពាក់ត្រឹមអេក្រង់ LCD ពុំមែនធុនខ្ពស់ OLED ដូច iPhone XS ដោយកាលបរិច្ឆេទចេញលក់នឹងធ្វើឡើងនាថ្ងៃទី ១៩ តុលាតទៅ។