គ្រូកម្ពុជា ថាចាញ់មែន ប៉ុន្តែក្រុមគោព្រៃ រីកចម្រើនច្រើន បើធៀបប្រកួតមុន
- 2018-10-16 14:33:36
- ចំនួនមតិ 0 | ចំនួនចែករំលែក 0
គ្រូកម្ពុជា ថាចាញ់មែន ប៉ុន្តែក្រុមគោព្រៃ រីកចម្រើនច្រើន បើធៀបប្រកួតមុន
ចន្លោះមិនឃើញ
លោក Felix Agustin Gonzalez Dalmas គ្រូបង្វឹករបស់ក្រុមកម្ពុជាបានបញ្ជាក់ថាក្រុមរបស់លោកមានការរីកចម្រើនច្រើនបើធៀបនឹងប្រកួតមុន ទោះជាលទ្ធផលមិនល្អក៏ដោយ។
នៅតង់ទី១កម្ពុជា មានឱកាសនាំមុខក្រុមសិង្ហបុរីមុន ប៉ុន្តែឈានចូលដល់តង់ទី២វិញ ក្រុមគោព្រៃបែរជាភ្លាត់ឱ្យក្រុមភ្ញៀវរកបាន២គ្រាប់យកជ័យជម្នះទៅវិញ។ ត្បិតតែបរាជ័យមែន ប៉ុន្តែគ្រូបង្វឹកក្រុមកម្ពុជា Felix មើលឃើញថាកូនក្រុមធ្វើបានល្អហើយ បើធៀបជាមួយប្រកួតមុន។ ដូច្នេះហើយ ក្រុមកម្ពុជាត្រូវអភិវឌ្ឍបន្តិចម្ដងៗ។
គ្រូបង្វឹកអាហ្សង់ទីនខាងលើ បង្ហើបទៀតថាកម្ពុជានៅមានចំណុចច្រើនត្រូវបន្ថែម ដោយលោកមិនអាចប្រាប់បានទាំងអស់ឡើយ។ ផ្ទុយទៅវិញ កម្ពុជាត្រូវការពេលទៀត ដើម្បីឈានឡើងម្ដងបន្តិចៗ៕