ជួយគាំទ្រផង! តារាខ្មែរនៅអាមេរិកម្នាក់ទើបតែបញ្ចេញវីដេអូចម្រៀងថ្មី ពីរោះខ្លាំង (វីដេអូ)
- 2018-10-17 04:15:00
- ចំនួនមតិ 0 | ចំនួនចែករំលែក 0
ជួយគាំទ្រផង! តារាខ្មែរនៅអាមេរិកម្នាក់ទើបតែបញ្ចេញវីដេអូចម្រៀងថ្មី ពីរោះខ្លាំង (វីដេអូ)
ចន្លោះមិនឃើញ
ថ្មីៗនេះតារាចម្រៀងអណិកជនខ្មែររស់នៅសហរដ្ឋអាមេរិកលោក Badassvon ទើបតែបញ្ចេញវីដេអូចម្រៀងមួយបទ "វិលវិញមកអូន" ដែលចូលរួមច្រៀងដោយតារារ៉េបប្រចាំផលិតកម្ម Klapyahandz លោក វិន វិទូ។
បន្ទាប់ពីជម្លៀសទៅសហរដ្ឋអាមេរិកកាលពីសម័យសង្គ្រាម តារារូបនេះនៅតែមិនភ្លេចដើមកំណើតជាខ្មែរ នៅតែមានបំណងអភិរក្សចម្រៀងខ្មែរទោះបីជាខ្លួនកំពុងតែរស់នៅទឹកដីមហាអំណាច។ Von សព្វថ្ងៃរស់នៅទីក្រុង Philadephia រដ្ឋ Pennsylvnia សហរដ្ឋអាមេរិក ហើយកំពុងតែមមាញឹកក្នុងការផលិតបទចម្រៀងថ្មីៗ។
ក្នុងរយៈពេលប៉ុន្មានឆ្នាំកន្លងមក Von ក៏បានបញ្ចេញបទចម្រៀងជាភាសាខ្មែរខ្លះៗរួចទៅហើយ ដូចជាបទ "ខឹងព្រោះស្រលាញ់" ជាបទយកតាមមរតកដើមរបស់លោកតា ស៊ីន ស៊ីសាមុត និង បទ "ទេពធីតាឋានកណ្ដាល" ជាដើម។ ថ្មីៗនេះ Von ទើបតែបានបញ្ចេញបទចម្រៀងថ្មី "វិលវិញមកអូន” និងគ្រោងបញ្ចេញបទចម្រៀងភាសាខ្មែរ ជាច្រើនទៀតក្នុងពេលខាងមុខ។
មូលហេតុដែលតារាអណិកជនខ្មែររូបនេះ ចាប់ផ្ដើមច្រៀងនិងថតចម្រៀងជាភាសាខ្មែរ ដោយសារលោកស្រលាញ់ពេញចិត្តបទចម្រៀងខ្មែរតាំងពីវ័យក្មេង គ្រប់ពេលលោកឮឪពុកខ្លួនស្ដាប់បទចម្រៀងជំនាន់ចាស់។ ដូច្នេះហើយទើបលោកមានគំនិតផលិតបទចម្រៀងជាភាសាខ្មែរ ដើម្បីឲ្យកូនខ្មែរដែលកំពុងរស់នៅសហរដ្ឋអាមេរិក ស្វែងយល់ពីដើមកំណើតសិល្បៈរបស់ជាតិកំណើតខ្លួន។
នេះជាវីដេអូបទចម្រៀង "វិលវិញមកអូន”