ដីឡើងថ្លៃ ហាងលក់ឡានប្តូរទីតាំងថ្មី អាជីវករបង្ហាញការព្រួយបារម្ភ

2018-10-18 03:28:12
ចំនួនមតិ 0 | ចំនួនចែករំលែក 0

ចន្លោះមិនឃើញ

ទីតាំងហាងលក់រថយន្តមួយទឹកនិងស៊េរីទំនើបៗពីបរទេសដែលមានទីតាំងនៅក្បែររបងស្ថានទូតបារាំងក្នុងរាជធានីភ្នំពេញ ឬគេច្រើនស្គាល់ថានៅជិតស្តាតចាស់ដែលបានបើកដំណើរការជាង ១០ មកហើយនេះអាចនឹងត្រូវរុះរើចេញពីទីតាំងបច្ចុប្បន្ននៅពេលឆាប់ៗខណៈតំបន់នេះត្រូវទទួលការវិនិយោគ។

ទីតាំងលក់ឡាននៅក្បែរស្តាតចាស់

នេះបើតាមអ្នកបុគ្គលិកលក់ឡានមួយរូបសុំមិនបញ្ចេញឈ្មោះបានលើកឡើងថា ហាងលក់ឡាននៅតំបន់នោះទាំងអស់នឹងត្រូវផ្លាស់ទៅកាន់ទីតាំងថ្មីផ្សេងទៀត និងតាមបណ្ដោយផ្លូវជាតិលេខ ៦ ចុះពីរង្វង់មូលស្ពានជ្រោយចង្វារ ជិះតាមផ្លូវបេតុងថ្មីទៅកាន់រង្វង់មូលនាងមច្ឆាទៅកាន់ស្ពានបាឡេក្នុងតំបន់អភិវឌ្ឍជ្រោយចង្វារ។

ទីតាំងលក់ឡានថ្មីនៅច្រោយចង្វារ

ខណៈទីតាំងបច្ចុប្បន្ននឹងត្រូវគេលក់ធ្វើការវិនិយោគក្នុងតម្លៃប្រមាណ ៨ ពាន់ដុល្លារក្នុងមួយម៉ែត្រការ៉េ។ ទាក់ទងនឹងការផ្លាស់ប្ដូរទីតាំងថ្មីនេះ អ្នកលក់ខាងលើក៏មានការព្រួយអារម្មណ៍ថានឹងមានការថយចុះច្រើនដល់ការលក់ហើយយ៉ាងហោចណាស់ក៏ត្រូវចំណាយពេលពី ៣ ទៅ ៦ ខែដំបូងទម្រាំគេស្គាល់កន្លែងថ្មី។

ទីតាំងលក់ឡានថ្មីនៅច្រោយចង្វារ

គួរបញ្ជាក់ថាតំបន់ជ្រោយចង្វារ កំពុងត្រូវបានអភិវឌ្ឍជាទីក្រុងរណបថ្មី ដោយមានការសាងសង់សំណង់អាគារ និងហេដ្ឋារចនាសម្ពន្ធហាងលក់ទំនិញ ហាងអាហារ និងតំបន់កម្សាន្ត និងមានឃ្លាំងលក់ឡានកំពុងបើដំណើរការជាបណ្ដើរៗហើយ៕

ទីតាំងលក់ឡាននៅក្បែរស្តាតចាស់