Rooney ទាត់ Free-Kick ចម្ងាយជិត៣០ម៉ែត្រចូលទី កក្រើកលីគអាមេរិក
- 2018-10-18 03:08:51
- ចំនួនមតិ 0 | ចំនួនចែករំលែក 0
Rooney ទាត់ Free-Kick ចម្ងាយជិត៣០ម៉ែត្រចូលទី កក្រើកលីគអាមេរិក
ចន្លោះមិនឃើញ
Wayne Rooney បានធ្វើឲ្យកក្រើកលីគកំពូលអាមេរិក Major League Soccer ម្ដងទៀត ក្រោយទាត់ Free-Kick បញ្ចូលទីចម្ងាយ៣០ម៉ែត្រយ៉ាងអស្ចារ្យកាលពីយប់មិញ។
D.C.United បានបើកទ្វាផ្ទះកីឡដ្ឋាន Audi Field ស្វាគមន៍ Toronto ក្នុងសប្ដាហ៍ទី៣២នៃ MSL។ នៅនាទីទី១៨ D.C.United ទទួលបានពិន័យ Free-Kick ពីចម្ងាយ ដែលត្រូវរ៉ាប់រងដោយ Rooney។ ពិតជាស្មានមិនដល់អតីតកីឡាកររបស់ Manchester United មិនបានបញ្ជូនឲ្យមិត្តរួមក្រុមទេ ដោយសម្រេចចិត្តទាត់យកតែម្ដង។
ជាលទ្ធផលគេបានទាត់ផុតរបាំងការពារ រួចបន្តផុតដៃអ្នកចាំទីចូលជ្រុងខាងលើយ៉ាងល្អ។ លទ្ធផល ១-០ បានបញ្ចប់ដល់៩០នាទី នាំ D.C.United បាន៣ពិន្ទុ។ នេះគឺជាគ្រាប់ទី១០របស់ Rooney សម្រាប់ការលេង១៨ប្រកួតឲ្យ DC ចាប់តាំងពីផ្ទេរកាលពីខែ កក្កដា៕