លេងមែនទែន TrueMoney ចែកសំបុត្រកុននិង iPhone XS Free រយៈពេល ៣ថ្ងៃ

2018-10-18 04:22:08
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុនទ្រូម៉ាន់នី គ្រោងធ្វើការសម្ពោធបញ្ជរថ្មីរបស់ខ្លួនមួយទៀត នៅក្នុងផ្សារទំនើប អ៊ីអនម៉លសែនសុខ ជាផ្លូវការរយៈពេល ៣ថ្ងៃខាងមុខនេះ ព្រមជាមួយការចែកសំបុត្រកុន 2D/3D របស់រោងភាពយន្ត Major Cineplex ដោយឥតគិតថ្លៃផងដែរ។

លោក ឈន់ សកល នាយកផ្នែកទីផ្សាររបស់ក្រុមហ៊ុនទ្រូម៉ាន់នី បានបង្ហើបថា៖ "មិនត្រឹមតែចែកសំបុត្រកុនឥតគិតថ្លៃនោះទេ ក្រុមហ៊ុនក៏ផ្តល់ការចាប់រង្វាន់ជាទូរសព្ទស្មាតហ្វូន ម៉ូឌែល iPhone XS រួមជាមួយរង្វាន់ជាច្រើនទៀត ក្នុងរយៈពេល៣ថ្ងៃ គឺចាប់ពីថ្ងៃទី១៩ ដល់២១ ខែតុលា ឆ្នាំ២០១៨ ដោយអតិថិជនគ្រាន់តែទៅកាន់ផ្សារទំនើប អ៊ីអនម៉លសែនសុខ ហើយស្វែងរកបញ្ជរទ្រូម៉ាន់នី ដើម្បីបញ្ជូលទឹកប្រាក់ចូលទៅក្នុងគណនីទ្រូម៉ាន់នីក្នុងទូរសព្ទដៃជាការស្រេច"។

បញ្ជរទ្រូម៉ាន់នី មានទីតាំងនៅជាន់ផ្ទាល់ដី បញ្ជរលេខ T022 ហើយអ្នកក៏អាចស្វែងរកតាមរយៈផែនទី LED របស់ផ្សារទំនើបអ៊ីអនម៉លសែនសុខផងដែរ ។ នេះជាការផ្តល់ជូនបន្ថែមនូវសេវាដកដាក់លុយ ចាយលុយ បង់វិក្កយបត្រ និងសេវាកម្មផ្សេងៗ របស់កម្មវិធីទ្រូម៉ាន់នី កាន់តែស្រួល និងកាន់តែក្បែរអ្នក។

នៅចាំអីទៀត ទៅយកសំបុត្រកុនទាំងអស់គ្នា ថាមិនត្រូវបាន iPhone XS មួយទៀតក៏ថាបាន។តែកុំភ្លេចដោនឡូតកម្មវិធី TrueMoney ទុកឱ្យហើយណា។ ព័ត៌មានបន្ថែមពីកម្មវិធីនេះ អាចទាក់ទង 023 999 639 ឬចូលទៅកាន់ហ្វេសប៊ុក TrueMoney Cambodia ៕

អត្ថបទ៖ ថា ម៉ាលីដា

ពាក្យទាក់ទង