ចម្លែកមែន! ផ្កាសាគូរ៉ានៅជប៉ុន រីកខុសពេលធម្មតា ក្រោយរងគ្រោះខ្យល់ព្យុះជាច្រើន
- 2018-10-18 07:31:52
- ចំនួនមតិ 0 | ចំនួនចែករំលែក 0
ចម្លែកមែន! ផ្កាសាគូរ៉ានៅជប៉ុន រីកខុសពេលធម្មតា ក្រោយរងគ្រោះខ្យល់ព្យុះជាច្រើន
ចន្លោះមិនឃើញ
ដើមផ្កាសាគូរ៉ា (Cherry Blossom ឬ Sakura) មួយចំនួននៅក្នុងប្រទេសជប៉ុន បានរីកស្គុះស្គាយខុសពេលធម្មតា នៅរដូវស្លឹកឈើជ្រុះនេះ។
ផ្កាពណ៌ផ្កាឈូកលាយពណ៌សដ៏ស្រស់ស្អាត និងល្បីល្បាញនេះ ជាធម្មតាអាចមើលឃើញរយៈពេលត្រឹមតែ ២សប្តាហ៍ប៉ុណ្ណោះនៅក្នុងនិទាឃរដូវ។ ផ្ទុយទៅវិញ មនុស្សប្រមាណជាង ៣០០នាក់ហើយបានរាយការណ៍ថា ដើមផ្កាសាគូរ៉ាបានរីកស្គុះស្គាយ នៅតំបន់ដែលពួកគេរស់នៅ ក្នុងខែតុលានេះ។
ក្រុមអ្នកជំនាញប្រាប់ឲ្យដឹងថា គ្រោះខ្យល់ព្យុះជាច្រើនដែលប្រទេសជប៉ុនទើបតែបានជួបប្រទះ អាចជះឥទ្ធិពលលើបាតុភូតនេះ។
លោក Hiroyuki Wada អ្នកជំនាញផ្នែកផ្កា នៅឯសមាគមផ្កានៃប្រទេសជប៉ុន បាននិយាយថា «ស្លឹកសាគូរ៉ា ជាធម្មតាបញ្ចេញអ័រម៉ូន ដែលបញ្ឈប់ការរីកលូតលាស់របស់ផ្កា ប៉ុន្តែឆ្នាំនេះខ្យល់ព្យុះដ៏ខ្លាំងក្លា បានបោកបក់ដាច់ស្លឹកឈើ ដែលអាចជាមូលហេតុបង្កជាអភូតហេតុដ៏គួរឲ្យភ្ញាក់ផ្អើលនេះ»។
មិនតែប៉ុណ្ណោះ អ្នកជំនាញខាងលើបានបន្ថែមថា អាកាសធាតុក្តៅជាងមុន បន្ទាប់ពីទទួលរងគ្រោះខ្យល់ព្យុះ អាចធ្វើឲ្យផ្ការីកខុសពេលផងដែរ៕
ចុចអាន៖
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
