គ្រូកម្ពុជា ៖ យើងតេស្ដកីឡាកររួចហើយ ប៉ុន្មានថ្ងៃទៀត បញ្ជីឈ្មោះផ្លូវការនឹងចេញ

2018-10-18 07:44:37
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Felix គ្រូបង្វឹកក្រុមជម្រើសជាតិកម្ពុជា ចាត់ទុកការប្រកួតមិត្តភាព៣ប្រកួតកន្លងមក គឺជាការធ្វើតេស្ដកីឡាករ ដើម្បីត្រៀមទៅលេងពានរង្វាន់ AFF Suzuki Cup 2018។

គ្រូបង្វឹកសញ្ជាតិអាហ្សង់ទីនបានបញ្ជាក់ទៀតថា៣ប្រកួតកន្លងមក មានកីឡាករជាច្រើនបានចូលលេង បង្ហាញសមត្ថភាពរបស់ខ្លួននៅលើទីលាន។ ត្បិតតែលទ្ធផលទទួលបានមិនដូចអ្វីដែលចង់បានមែន ប៉ុន្តែលោក Felix មើលឃើញសមត្ថភាពកីឡាករទាំងអស់ ហើយបញ្ជីឈ្មោះផ្លូវការ១ទៀត នឹងបញ្ចេញឡើងនៅប៉ុន្មានថ្ងៃខាងមុខទៀត។ ស្របពេលការប្រមូលផ្ដុំក៏នឹងត្រូវធ្វើឡើងក្រោយការប្រកាសបញ្ជីឈ្មោះនោះដែរ។

៣ប្រកួតរបស់កម្ពុជា លេងនៅក្នុងដីទាំងអស់ ប៉ុន្តែលទ្ធផលវិញ ធ្វើឱ្យអ្នកគាំទ្រខកចិត្ត។ ពោលគឺបានត្រឹមស្មើ១និងចាញ់២ប្រកួតឯណោះ។ ការប្រកួត ពានរង្វាន់ Suzuki Cup ខាងមុខនេះវិញ នឹងធ្វើឡើងនៅថ្ងៃទី ០៨ ខែវិច្ឆិកា ឆ្នាំ ២០១៨ រហូតដល់ថ្ងៃទី ១៥ ខែធ្នូ ឆ្នាំ ២០១៨។ ដោយកម្ពុជា ស្ថិតនៅពូលជាមួយវៀតណាម ឡាវ ម៉ាឡេស៊ី និងមីយ៉ាន់ម៉ា៕

អត្ថបទ៖ មុន្នីរម្យ