Sweet ខ្លាំង! បែកពីមនុស្សក្បត់ចិត្ត មកជួបស្នេហ៍ពិត ពេលពិភពលោកជួបកំពុងសង្រ្គាម

2018-10-18 08:23:17
ចំនួនមតិ 0 | ចំនួនចែករំលែក 0

ចន្លោះមិនឃើញ

រឿងភាគថៃ «ស្នេហ៍ពីរភព» ដែលទទួលបានការគាំទ្រកាលពីកាលពីឆ្នាំ ២០០២ ត្រូវបានអ្នកនិពន្ធលើកយកមកផលិតថ្មី កាលពីឆ្នាំមុន ហើយនឹងត្រៀមបង្ហាញខ្លួននៅកម្ពុជា លើប៉ុស្តិ៍ PNN ក្នុងខែតុលានេះហើយ។

រឿងផលិតថ្មី ដែលលេចមុខឡើងកាលពីឆ្នាំ ២០១៧ នេះ សម្ដែងដោយតួអង្គល្បីៗដូចជា លោក Mario និង កញ្ញា Mai Davika អមដោយតារាល្បីៗជាច្រើនផ្សេងទៀតដូចជា Prang, Panjan និង Sara ជាដើម។

«ស្នេហ៍ពីរភព» គឺជារឿងសម័យលាយបុរាណ និងមានអភិនីហារកើតឡើងចំពោះតួឯកស្រី ឈ្មោះ ប្រែនួន ដែលបានរៀបការជាបុរសម្នាក់ ដោយមិនទទួលការយល់ព្រមពីម្ដាយ។ ដំបូងឡើយ ជីវិតអាពាហ៍ពិពាហ៍របស់ពួកគេ ពិតជាទទួលបានសុភមង្គល តែបន្ទាប់ពីរៀបការបាន ២ ឆ្នាំ ស្វាមីនាងក៏ចាប់ផ្តើមមានស្រីផ្សេងដែលជាលេខារបស់ខ្លួន និងបានធ្វើនាងខកចិត្តយ៉ាងខ្លាំងរហូតសុំលែងលះគ្នា តែខាងប្តីមិនយល់ព្រមឡើយ។

ប្រែនួន បានរត់ទៅនៅផ្ទះរបស់ឪពុក ហើយប្រទះឃើញគ្រែមួយដែលមានចម្លាក់ស្រស់ស្អាត ក៏ឲ្យអ្នកចាត់ការក្នុងផ្ទះរៀបចំឲ្យ។ គ្រែមួយនេះមានអថ័ន ដែលអាចនាំនាងទៅកាន់សម័យសង្គ្រាមលោកលើកទី ២ ដែលបានកើតឡើងប្រមាណជាជិត ១០០ ឆ្នាំមុន និងបានឲ្យនាងជួបជាមួយ ឡៅពើង ដែលជាគូព្រេងរបស់នាង។

រឿងរ៉ាវជាច្រើនបានកើតឡើងនៅក្នុងសម័យនោះ។ អំឡុងពេលដែលនាងបានទៅកាន់សម័យបុរាណ នាងក៏បានលង់ស្រឡាញ់ជាមួយ ឡៅពើង ដែលជាប្រមុខរដ្ឋគ្រប់គ្រងទីក្រុងវាងឃិន។ តើស្នេហាឆ្លងភពនេះមានឧបសគ្គដែរទេ? តើចុងក្រោយពួកគេជួបគ្នាដោយរបៀបណា?

សូមកុំភ្លេចរង់ចាំតាមដានទស្សនារឿង «ស្នេហ៍ពីរភព» ចាក់ផ្សាយចាប់ពីថ្ងៃទី ២២ ខែតុលា ឆ្នាំ២០១៨ រៀងរាល់ថ្ងៃចន្ទ-សុក្រ វេលាម៉ោង ៦:០០-៧:០០យប់ បន្ទាប់ពីរឿង "ដែនដីជំរុំចិត្ត" ។ ទស្សនាឈុតខ្លី៖

អត្ថបទ៖ សុខណា