ប្រទះជួប នីកូ បើកឡានដឹកទំនិញ តែការពិតបានងារថ្មីអ្នកតំណាងឱ្យក្រុមហ៊ុន១
- 2018-10-18 09:05:04
- ចំនួនមតិ 0 | ចំនួនចែករំលែក 0
ប្រទះជួប នីកូ បើកឡានដឹកទំនិញ តែការពិតបានងារថ្មីអ្នកតំណាងឱ្យក្រុមហ៊ុន១
ចន្លោះមិនឃើញ
លេចមុខក្នុងឡានដឹកទំនិញ មួយកាលពីម្សិលមិញ មាន Fan ជាច្រើនបានដាក់ចម្ងល់ថា ជាការថតរឿង ឬ នីកូ បន្ថែមអាជីព? តែការពិតទៅជាដំណឹងល្អមួយគឺ នីកូ បានការងារថ្មីមួយទៀតគឺជា អ្នកតំណាងឱ្យក្រុមហ៊ុនបញ្ញើឆាប់រហ័ស ZTO។
ក្រោយដំណើរការបានរយៈពេល១ឆ្នាំមក ZTO ជាក្រុមហ៊ុនបញ្ញើរហ័សជាប់ចំណាត់ថ្នាក់លេខ២ធំជាងគេនៅចិន បានសម្រេចចិត្តចុះកុងត្រាសហការជាមួយ នីកូ ជាមួយគម្រោងកុងត្រា ១ឆ្នាំ។ ក្នុងនោះប្រធានក្រុមហ៊ុនលោក Zhang Wei បានឱ្យដឹងថា៖ "យើងពេញចិត្តដែលបានជ្រើស តារាចម្រៀងល្បីក្នុងស្រទាប់យុវវ័យ នីកូ មកធ្វើជាអ្នកតំណាងឱ្យក្រុមហ៊ុនយើង។ នៅថ្ងៃខាងមុខ យើងមានសកម្មភាពផ្សេងៗ ដែលតម្រូវឱ្យមានការសហការយ៉ាងផុសផុលពី នីកូ ផងដែរ"។
ត្រឡប់មកជួបចំណាប់អារម្មណ៍ម្ចាស់បទ "ថ្ងៃបែកគ្នា" វិញបានសម្តែងក្តីរំភើបក្រៃលែង ដែលបានក្លាយជាតំណាងសម្រាបក្រុមហ៊ុន ZTO ហើយលោកនឹងប្រឹងប្រែងបំពេញការងារ និងចូលរួមគ្រប់សកម្មភាពរបស់ ZTO ឱ្យបានច្រើន មិនតែប៉ុណ្ណោះមានការងារ សប្បុរសធម៌ជាច្រើនដែលកំពុងរង់ចាំ លោក ក៏ដូចជាក្រុមការងារ។
"ខ្ញុំពិតជាសប្បាយចិត្តខ្លាំងបង ទទួលបានការងារថ្មីនេះ ខ្ញុំនិងក្រុមហ៊ុនមិនមែនចប់តែប៉ុណ្ណេះទេ យើងនៅមានកម្មវិធីជាច្រើនទៀត ដើម្បីឱ្យក្រុមហ៊ុនកាន់តែមានគេស្គាល់ច្រើន ជាពិសេសកម្មវិធីសប្បុរសធម៌ដែលជាចំណែកជួយសង្គមក្នុងរយៈពេល១ឆ្នាំនេះ"។ នីកូ បញ្ជាក់។
មានចំណុចពិសេសជាច្រើនដែល ZTO សង្ឃឹមថាបានជោគជ័យនៅប្រទេសកម្ពុជា ក្រោយដំណើរបានច្រើនប្រទេសដូចជា ចិន សិង្ហបុរី អាមេរិក ឡាវ ដោយនៅក្រុមហ៊ុនខាងលើមានបម្រើសេវាដឹកជញ្ជូនតាមយន្តហោះទៅមក កម្ពុជា-ចិន អ្វីដែលពិសេសនោះមានសេវាទទួលទំនិញ និងដឹកទំនិញជូនដល់ផ្ទះ ជាមួយប្រព័ន្ធតាមដានបញ្ញើទាន់ពេល សេវាកម្មរហ័ស សុវត្ថិភាពខ្ពស់ និងតម្លៃសមរម្យ។
សម្រាបព័ត៌មានបន្ថែមអាចទាក់ទងតាមរយៈលេខ៖ 086 373 898/ 015 688 618៕