អ្នកចាំទីចាស់វស្សា Buffon យល់ថានរណាសមនឹងឈ្នះ Ballon D'or ឆ្នាំនេះ?
- 2018-10-18 14:13:38
- ចំនួនមតិ 0 | ចំនួនចែករំលែក 0
អ្នកចាំទីចាស់វស្សា Buffon យល់ថានរណាសមនឹងឈ្នះ Ballon D'or ឆ្នាំនេះ?
ចន្លោះមិនឃើញ
អ្នកចាំទី Gianluigi Buffon ក្នុងថ្ងៃនេះ បាននិយាយថា Kylian Mbappe សមនឹងឈ្នះ Ballon D'or ឆ្នាំនេះ។
អ្នកចាំទីវ័យ ៤០ ឆ្នាំ បាននិយាយប្រាប់អ្នកសារព័ត៌មានថា៖ បើនិយាយពីគុណភាពនៃការលេងដែល Mbappe បានបង្ហាញកន្លងមក ហើយនឹងការស៊ុតយ៉ាងច្បាស់ក្នុងព្រឹត្តិការណ៍ World Cup កន្លងទៅ ច្បាស់ណាស់ គេសមនឹងទទួល Ballon D'or ឆ្នាំនេះ។
Buffon ក៏បានប្រៀបធៀបទម្រង់លេងរបស់ Mbappe ទៅនឹងវីរបុរសរបស់អ៊ីតាលីមួយចំនួនដូចជា Roberto Baggio, Alessandro Del Piero និង Francesco Totti។ អ្នកចាំទីរូបនេះ បានបន្តទៀតថា បើសិនជាកីឡាករបារាំងវ័យ ១៩ ឆ្នាំ នៅបន្តរក្សាឥរិយាបថត្រឹមត្រូវនិង ខិតខំលេងទៀត គេនឹងលេងបានល្អក្នុងរយៈពេលយូរ។
សូមបញ្ជាក់ផងដែរ ក្នុងរដូវកាល ២០១៧/១៨ Mbappe បានបង្ហាញទម្រង់លេងបានយ៉ាងល្អ។ កីឡាករស៊ុតចូល ២១ គ្រាប់ក្នុងការបង្ហាញខ្លួន ៤៤ លើក។ កីឡាករវ័យក្មេង បានរួមចំណែកយ៉ាងសំខាន់ក្នុងការជួយបារាំងក្នុងការឈ្នះពាន World Cup ជាលើកទី ២ ក្នុងប្រវត្តិសាស្ត្ររបស់ខ្លួន។
លទ្ធផលអ្នកឈ្នះ Ballon D'or នឹងត្រូវបានប្រកាសនៅដើមខែធ្នូខាងមុខ។
ក្នុងអំឡុងពេល ១០ ឆ្នាំចុងក្រោយ គ្មានកីឡាកររូបណាឈ្នះពានរង្វាន់នេះ ក្រៅពី Cristiano Ronaldo និង Lionel Messi ឡើយ៕