៣ យ៉ាងត្រូវដឹងទាក់ទងការប្រកួត AFF Suzuki Cup 2018 របស់កម្ពុជា

2018-10-19 02:58:40
ចំនួនមតិ 0 | ចំនួនចែករំលែក 0

ចន្លោះមិនឃើញ

ការប្រកួតព្រឹត្តិការណ៍ AFF Suzuki Cup 2018 នឹងចាប់ផ្ដើមដំណើរការចន្លោះពីថ្ងៃទី៨ ខែវិច្ឆិកា ដល់ ថ្ងៃទី១៥ ខែធ្នូ ឆ្នាំ២០១៨ ។

ព្រឹត្តិការណ៍នេះមាន ១១ ប្រទេសចូលរួម ដែលត្រូវបានបែកចែកជា ២ ពូល ហើយមួយពូលយកពីរក្រុមឡើងទៅកាន់វគ្គបន្ត។ ជាការបញ្ជាក់ជូនប្រិយមិត្តថ្ងៃនេះ Sabay សូមលើកយក ៣ ចំណុចសំខាន់ៗ នៃការប្រកួតរបស់ក្រុមកម្ពុជាក្នុងព្រឹត្តិការណ៍ខាងលើ៖

ក្រុមកម្ពុជា (ក្រោយប្រកួតទល់សិង្ហបុរី)

**១-ការប្រកួតក្នុងពូល៖** កម្ពុជាស្ថិតនៅពូល A ជាមួយ ម៉ាឡេស៊ី, ឡាវ, វៀតណាម និង មីយ៉ាន់ម៉ា។ ការប្រកួតក្នុងពូលនេះក្រុមនីមួយៗ ប៉ះគ្នាតែមួយជើងប៉ុណ្ណោះ។ កម្ពុជាមានការប្រកួតពីរលើកក្នុងដីគឺប៉ះ ម៉ាឡេស៊ី នាថ្ងៃទី៨ ខែវិច្ឆិកា ឆ្នាំ២០១៨ និងប៉ះឡាវ ថ្ងៃទី២០ ខែវិច្ឆិកា ឆ្នាំ២០១៨ ពីរប្រកួតនេះធ្វើឡើងវេលាម៉ោង ៦:៣០ នាទីដូចគ្នា។ ចំណែកពីរប្រកួតទៀតរបស់កម្ពុជា គឺធ្វើឡើងនៅក្រៅដី។

២-ការចូលរួម៖ ព្រឹត្តិការណ៍នេះបង្កើតឡើងកាលឆ្នាំ១៩៩៦ ដោយធ្វើការប្រកួតរាល់ពីរឆ្នាំម្ដង។ សម្រាប់កម្ពុជាមិនដែលឡើងឆ្លងផុតពូលឡើយ ពោលគឺធ្លាក់រហូត។ ឆ្នាំនេះជាលើកទី៧ របស់កម្ពុជាក្នុងការប្រកួតជម្រុះក្នុងពូល។

៣-កីឡាករល្អរបស់កម្ពុជា៖ ចាន់ វឌ្ឍនាកា និង ឈិន ឈឿន ត្រូវបានជ្រើសរើសជាកីឡាករល្អរបស់កម្ពុជាដោយ Suzuki Cup។ ការជ្រើសរើសនេះបន្ទាប់ពីអ្នកទាំងពីរបង្ហាញទម្រង់លេងគួរឲ្យចាប់អារម្មណ៍ពេលប្រកួតទល់ទីម័រខាងកើត និងសិង្ហបុរី៕