ដាច់បាយដាច់ទឹកទៀតហើយ ថាំងចេង នាំ អ៊ូខុង ទៅសង្គ្រោះ ឆាងអាន វគ្គ២ ចេញឆាប់ៗ

2018-10-19 03:35:46
ចំនួនមតិ 0 | ចំនួនចែករំលែក 0

ចន្លោះមិនឃើញ

ជឿជាក់ថាទស្សនិកជនប្រាកដជាធ្លាប់បានដឹងពីភាពល្បីល្បាញនៃរឿងភាគហុងកុង«យុទ្ធសិល្ប៍ស៊ុនអ៊ូខុង» ដែលកន្លងមករឿងមួយនេះត្រូវបានផលិតជាច្រើនវគ្គ និងពីមួយវគ្គទៅមួយវគ្គមានការចាប់អារម្មណ៍ប្លែកប្លែកៗពីគ្នា។

សម្រាប់វគ្គទីមួយនៃរឿងនេះភីអិនអិនធ្លាប់បានយកមកចាក់ផ្សាយរួចមកហើយ ដោយឡែកលើកនេះ នឹងបង្ហាញវគ្គទីពីរជាបន្តទៀត ដោយសាច់រឿងបានបង្ហាញពីដំណើរផ្សងព្រេងរបស់ព្រះសង្ឃថាំង ចេង ទៅកាន់ស្រុកកំណើតរបស់ខ្លួននៅក្រុងឆាងអាន ដោយសារតែព្រះសង្ឃថាំង ចេង បានយល់សុបិនឃើញស្រុកកំណើតរបស់ខ្លួនមានគ្រោះមហន្តរាយ ដែលត្រូវបានបំផ្លាញពីស្វាធំមួយក្បាល។

បន្ទាប់ពីក្រោកពីដំណេក ព្រះសង្ឃថាំង ចេង បានយល់ច្បាស់ថានេះគឺជាហេតុអាក្រក់ ក៏ប្រាប់ទៅដល់សិស្សទាំងបីនាក់ធ្វើដំណើរទៅកាន់ស្រុកកំណើតរបស់ខ្លួន ដើម្បីជួយសង្គ្រោះក្រុងឆាងអាន។ ការធ្វើដំណើរទៅកាន់ក្រុងឆាងអានរបស់ព្រះសង្ឃថាំងចេង និងសិស្សពិតជាវែងឆ្ងាយ និងបានជួបឩបសគ្គច្រើន។ តើពួកគេអាចជួយសង្គ្រោះក្រុងឆាងអានបានដែរទេ? តើបញ្ហាអ្វីខ្លះបានរាំងស្ទះដល់ការធ្វើដំណើរមួយនេះ?

រឿង «យុទ្ធសិល្ប៍ស៊ុនអ៊ូខុងវគ្គ២» នឹងត្រូវចាក់ផ្សាយចាប់ពីថ្ងៃទី១៩ ខែតុលា ឆ្នាំ២០១៨ វេលាម៉ោង ១៧:០០ល្ងាច រៀងរាល់ថ្ងៃ ចន្ទ-សុក្រ បន្ទាប់ពីរឿង «នារីទឹកខ្មេះ»៕ ទស្សនាឈុតខ្លី៖

អត្ថបទ៖ ថា ម៉ាលីដា