ចង់ដុះខាត់ជំនាញ ឱកាសល្អមកហើយ ក្រសួងផ្តល់អាហាររូបករណ៍ទៅសិង្ហបុរី ២ខែ

2018-10-19 03:50:00
ចំនួនមតិ 0 | ចំនួនចែករំលែក 0

ចន្លោះមិនឃើញ

មន្ត្រីអប់រំដែលកំពុងបង្រៀននៅតាមអង្គភាពថ្នាក់កណ្ដាល និងគ្រូឧទ្ទេសទាំងពីរភេទដែលកំពុងបម្រើការងារ នៅវិទ្យាស្ថានជាតិអប់រំ វិទ្យាស្ថានគរុកោសល្យ និងមជ្ឈមណ្ឌលគរុកោសល្យភូមិភាគ អាចចូលរួមដាក់ពាក្យស្នើសុំអាហារូបករណ៍សិក្សាវគ្គខ្លី ទៅកាន់ប្រទេសសិង្ហបុរី។ នេះបើតាមសេចក្ដីប្រកាសព័ត៌មានពីទំព័រហ្វេសប៊ុក ក្រសួងអប់រំ យុវជន និងកីឡា។

សេចក្ដីប្រកាសដដែល បានបញ្ជាក់ថា ការផ្ដល់អាហារូបករណ៍នេះ នឹងធ្វើឡើងដោយការប្រកួតប្រជែងកម្រិតខ្ពស់ សម្រាប់ការសិក្សារយៈពេល ២ខែ ចំនួន ៣០កន្លែង ក្នុងឆ្នាំ២០១៨នេះ។ ក្រសួងអប់រំ យុវជន និងកីឡា នឹងធ្វើការជ្រើសរើសមន្ត្រីអប់រំ និងគ្រូឧទ្ទេសទាំង ៣០រូប សម្រាប់មុខជំនាញ ៣នេះ

១. វិទ្យាសាស្ត្របង្រៀនមុខវិជ្ជាស្តែម ចំនួន ១០រូប

២. ការដឹកនាំ និងការគ្រប់គ្រងសាលារៀន ចំនួន ១០រូប

៣. សៀវភៅសិក្សា និងកម្មវិធីសិក្សា ចំនួន ១០រូប។

សូមបញ្ជាក់ថា ការទទួលពាក្យនឹងផុតកំណត់នៅថ្ងៃពុធ ទី៣១ ខែតុលា ឆ្នាំ២០១៨ វេលាម៉ោង ១៧:០០ (ម៉ោងនៅប្រទេសកម្ពុជា)។

ព័ត៌មានលម្អិត ទាក់ទងនឹងឬពាក្យស្នើសុំអាចរកបាននៅនាយកដ្ឋានបណ្ដុះបណ្ដាល និងវិក្រិតការ ឬតាម Facebookក្រសួងអប់រំ យុវជន និងកីឡា ឬទាក់ទងតាមលេខទូរសព្ទ ០១១ ៨៩២ ០៣៩ និង ០១៧ ៨៨៣ ៩៦៧។