ចិនគ្រោងបង្ហោះព្រះចន្ទសិប្បនិមិត្តដើម្បីបំភ្លឺទីក្រុងក្នុងឆ្នាំ ២០២០
- 2018-10-19 03:42:11
- ចំនួនមតិ 0 | ចំនួនចែករំលែក 0
ចិនគ្រោងបង្ហោះព្រះចន្ទសិប្បនិមិត្តដើម្បីបំភ្លឺទីក្រុងក្នុងឆ្នាំ ២០២០
ចន្លោះមិនឃើញ
ស្ថិតនៅភាគនិរតីនៃប្រទេសចិន ទីក្រុង Chengdu គ្រោងនឹងបង្ហោះផ្កាយរណបបំភ្លឺរបស់ខ្លួនដែលគេស្គាល់ឈ្មោះថា "ព្រះចន្ទសិប្បនិមិត្ត” នៅក្នុងឆ្នាំ ២០២០។
យោងតាមប្រធានវិទ្យាស្ថានស្រាវជ្រាវវិទ្យាសាស្ត្រមីក្រូអឡិចត្រូនិច និងបច្ចេកវិទ្យាអវកាស Chengdu លោក Wu Chunfeng ឲ្យដឹងថា ផ្កាយរណបបំភ្លឺនេះត្រូវបានរចនាឡើងដើម្បីបម្រើមុខងារជំនួសព្រះចន្ទ។ ចំពោះពន្លឺនៃព្រះចន្ទសិប្បនិមិត្តនេះវិញ គឺភ្លឺជាង ៨ដងនៃព្រះចន្ទពិតប្រាកដហើយអាចជំនួសបង្គោលបំភ្លឺតាមផ្លូវបានទៀតផង។ ផ្កាយរណបនេះ នឹងអាចមានសមត្ថភាពបំភ្លឺតំបន់ក្នុងអង្កត់ផ្ចិតពី ១០ ទៅ ៨០គីឡូម៉ែត្រ ហើយរយៈចម្ងាយរបស់ពន្លឺអាចកំណត់បានផងដែរ។
យ៉ាងណាមិញ ប្រជាជនមួយចំនួនបានសម្ដែងការព្រួយបារម្ភថាពន្លឺព្រះចន្ទសិប្បនិមិត្តនេះ អាចមានផលប៉ះពាល់ដល់ជីវិតប្រចាំថ្ងៃរបស់សត្វមួយចំនួន និងការសង្កេតតារាសាស្ត្រ។ ប៉ុន្តែអ្នកជំនាញពន្យល់ថា ពន្លឺរបស់ព្រះចន្ទសិប្បនិមិត្ត គឺស្រដៀងគ្នាទៅនឹងពន្លឺរបស់ព្រះចន្ទនាពេលព្រលប់ដែរ ដូច្នេះវាមិនមានផលប៉ះពាល់ណាមួយនោះទេ៕
ចុចអាន ៖
មកមើល សម្រស់នារីអូតេសម្នាក់ ស្អាតខ្លាំងរហូតទទួលការសរសើរមិនដាច់ពីមាត់
ចាប់ខ្លួននារីចិនស្រស់ស្អាតម្នាក់ ក្រោយលេងសើចពេលច្រៀងភ្លេងជាតិ (មានវីដេអូ)