Charlie Puth ចាប់អារម្មណ៍ Sungwoon រាំ Cover បទ "We Don't Talk Anymore”
- 2018-10-19 07:40:00
- ចំនួនមតិ 0 | ចំនួនចែករំលែក 0
Charlie Puth ចាប់អារម្មណ៍ Sungwoon រាំ Cover បទ "We Don't Talk Anymore”
ចន្លោះមិនឃើញ
កាលពីពេលថ្មីៗនេះ តារាចម្រៀង Charlie Puth បានបង្ហាញការចាប់អារម្មណ៍របស់លោកទៅលើសមាជិកក្រុម Wanna One តារាចម្រៀង Ha Sungwoon ខណៈតារាចម្រៀងកូរ៉េរូបនេះ បានបង្ហាញក្បាច់រាំជាមួយនឹងបទចម្រៀង "We Don't Talk Anymore”។
រឿងរ៉ាវដ៏គួរឲ្យភ្ញាក់ផ្អើលនេះ កើតឡើងនៅព្រឹកថ្ងៃទី ១៩ នេះ ក្រោយពេល អ្នកគាំទ្រម្នាក់បានបង្ហោះវីដេអូរាំទោលរបស់ Ha Sungwoon ដែលបាន Cover បទ "We Don't Talk Anymore” របស់តារាចម្រៀង Charlie Puth លើបណ្ដាញសង្គម Twitter ហើយថែមទាំងបាន Mention ឈ្មោះតារាបរទេសរូបនេះថែមទៀត។ ការសម្ដែងមួយនេះ ថតបានអំឡុងពេលក្រុម Wanna One ធ្វើការប្រគំតន្ត្រីរបស់ពួកគេក្នុងទីក្រុង Seoul។ អ្វីដែលគួរឲ្យភ្ញាក់ផ្អើលនោះគឺថា ប្រហែលជា១ ម៉ោងក្រោយការបង្ហោះ Charlie Puth បានឃើញអ្វីដែលបាន Mention នោះ ព្រមទាំងឆ្លើយតបទៅវិញថា៖ "WOW”។
ជាមួយនឹងការឆ្លើយតបនេះដែរ បានធ្វើឲ្យវីដេអូមួយនោះ កាន់តែទទួលបានការចាប់អារម្មណ៍កាន់តែខ្លាំងពីសំណាក់អ្នកលេងបណ្ដាញសង្គម ហើយក្នុងរយៈពេលមិនដល់ ៣ ម៉ោងផង វីដេអូមួយនេះដែរ ទទួលបានការចែកចាយបន្តជាង ៥ ពាន់ដង៕
ទស្សនាវីដេអូខាងក្រោម៖