Pogba ថា Premier League គឺជាលីគដែលពិបាកស្មាន

2018-10-19 13:43:59
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងពេលថ្មីៗនេះ ខ្សែបម្រើរបស់ក្លឹបបិសាចក្រហម Manchester United បានប្រាប់សារព័ត៌មាន Sky Sports ថា លីគកំពូលអង់គ្លេសជាលីគដែលពិបាកស្មានជាងគេក្នុងចំណោមលីគទាំងអស់លើពិភពលោក ហើយគ្រប់កីឡាករទាំងអស់ត្រូវតែប្ដូរផ្ដាច់ខ្លាំងណាស់នៅគ្រប់ប្រកួត។

កីឡាករសញ្ជាតិបារាំងនេះបានបន្តថា៖ " ពួកយើងមិនដែលដឹងថាអ្វីនឹងកើតឡើងទេក្នុង Premier League អញ្ចឹងហើយបានធ្វើឲ្យលីគនេះ ជាលីគចាប់អារម្មណ៍ជាងគេលើលោក។ ក្រុមខ្លះត្រូវបានគេនាំមុខ ២-០ តែក្រោយមកក្រុមនោះអាចបកបាន ៣-២មកវិញ " ។

Pogba បានបន្ថែមទៀតថា៖ " ប្រកួតមិនទាន់ចប់ទេ ដរាបណាមិនទាន់ដល់៩០នាទី។ ស្ថានភាពប្រកួតអាចផ្លាស់ប្ដូរគ្រប់ពេល ដូចនេះហើយគ្រប់គ្នាមិនត្រូវឈប់ទេ ហើយត្រូវតែផ្ដោតពេញ៩០នាទិតែម្ដង " ។

ខ្សែបម្រើពាក់អាវលេខ ៦រូបនេះបាននិយាយបញ្ជាក់ថា៖ " នៅក្នុងលីគអង់គ្លេសនេះ គ្រប់គ្នាព្យាយាមឲ្យអស់ពីសមត្ថភាពតាមតួនាទីរៀងៗខ្លួនដើម្បីធ្វើយ៉ាងណាជួយក្រុមឲ្យមានលទ្ធផលល្អ " ។

តាំងពីផ្ទេរមកក្លឹបបិសាចក្រហម Manchester United មក កីឡាករ Paul Pogba បានរកគ្រាប់បាល់បាន ៥៣គ្រាប់ ក្នុងការបង្ហាញខ្លួន ២៨៣ប្រកួតគ្រប់កម្មវិធីទាំងអស់។ មជ្ឈដ្ឋានបាល់ទាត់យល់ថា កីឡាករកូនកាត់បារាំង-ហ្គីណេរូបនេះគឺជាវីរបុរសនៅពេលដែលក្រុមឈ្នះ ហើយត្រូវបានគេបន្ទោសនៅពេលដែលក្រុមចាញ់៕