ថតស្ប៉តបានម្ដង កូវ ច័ន្ទសុវណ្ណារិទ្ធ មានផលិតករទាក់ទងថតរឿងបន្តបន្ទាប់

2018-10-20 04:29:12
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកនាង កូវ ច័ន្ទសុវណ្ណារិទ្ធ ហៅ ចែភាព ក្រោយពីថតស្ប៉តបានម្ដងឲ្យសិប្បកម្មវ៉ារី ដែលជាក្រុមហ៊ុនរបស់ខ្លួនដើម្បីជួយលើកស្ទួយដល់ផលិតផលកូនខ្មែរពិតៗរួចមក ឥឡូវនេះមានផលិតករទាក់ទងឲ្យនាង សម្ដែងរឿងជាបន្តបន្ទាប់។

ត្បិតមានផលិតករទាក់ទងឲ្យ ចែភាព ថតរឿងជាបន្តបន្ទាប់ក្ដី តែនាងមិនទទួលនោះទេ ព្រោះគ្មានពេលវេលាគ្រប់គ្រាន់ក្នុងការថតដោយសារតែជាប់រវល់ជាមួយ មុខជំនួញជាច្រើនក្នុងដៃស្ទើររកពេលសម្រាកគ្មាន។ ណាមួយការថតរឿងត្រូវប្រើពេលវេលាច្រើន ហើយជួបគ្រប់រសជាតិនៃការសម្ដែង មិនស្រួលដូចការថតស្ប៉តឡើយ។

“ចំពោះរឿងថតខ្សែភាពយន្ត បើកផលិតកម្មឬអត់ទៅថ្ងៃខាងមុខ ខ្ញុំអត់ទាន់ហ៊ានថាទេ ព្រោះចាំមើលបងប្អូននៅក្នុងហ្វេសប៊ុកគាត់ផ្ដល់ជាមតិយោបល់សិន ថាតើគាត់គាំទ្រឲ្យនាង ខ្ញុំឬអត់បើគាត់គាំទ្រខ្ញុំនឹងពិចារណាទៅលើរឿងនេះ ព្រោះខ្ញុំក៏ចង់បន្សល់ទុកនូវស្នាដៃខ្លះសម្រាប់ខ្លួនឯងដែរ"។ អ្នកនាង ច័ន្ទសុវណ្ណារិទ្ធ។

ស្ប៉តដែល កូវ ច័ន្ទសុវណ្ណារិទ្ធ ថតប្រម៉ូដផលិតផលខ្លួនឯងនោះគឺនាង សម្ដែងជាមួយតារាកំប្លែង និងចម្រៀង ស្រីតុ ដោយចាក់ផ្សាយនៅលើកញ្ចក់ទូរទស្សន៍ភ្លាមធ្វើឲ្យស្វាមីក៏ដូចជាសាច់ញាតិមានការភ្ញាក់ផ្អើលយ៉ាងខ្លាំង ព្រោះមិននឹកស្មានថា នាងថតស្ប៉តខ្លួនឯងដូច្នេះសោះ៕

សកម្មភាព ចែភាព ថតស្ប៉តខាងក្រោមនេះ