អ្នកនៅតំបន់សមុទ្រសូមប្រុងប្រយ័ត្ន កម្ពុជាទទួលរងវិសម្ពាធមួយ

2018-10-20 05:21:59
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកចង់ដើរលេងនៅតំបន់សមុទ្រ ជាពិសេសអ្នកនេសាទ សូមប្រុងប្រយ័ត្នខ្ពស់ ព្រោះប្រទេសកម្ពុជាទទួលរងវិសម្ពាធមួយដែលធ្វើឲ្យផ្ទៃមេឃអ័ព្ទអួ មានភ្លៀង និង រលកសមុទ្រខ្ពស់ៗ។ នេះបើយោងតាមសេចក្ដីជូនដំណឹងរបស់ក្រសួងធនធានទឹកនិងឧតុនិយម ចេញផ្សាយនៅប៉ុន្មានម៉ោងមុននេះ។

សេចក្ដីជូនដំណឹងដែលចុះកាលបរិច្ឆេត ថ្ងៃទី ២០ តុលា ឆ្នាំ ២០១៨ បានឲ្យដឹងថា នៅវេលាម៉ោង១រំលងអធ្រាត្រឈានចូលថ្ងៃទី ២០ ខែតុលា មានសម្ពាធ (TD) មួយបានកើតឡើងនៅឈូងសមុទ្រថៃ។ វិសម្ពាធនេះកំពុងធ្វើដំណើរទៅកាន់ប្រទេសថៃ ហើយវិសម្ពាធនេះនឹងមានឥទ្ធពលមកលើប្រទេសកម្ពុជា ដោយបង្កឲ្យ៖

តំបន់សមុទ្រ៖ ផ្ទៃមេឃមានសភាពអ័ព្ទអួ មានភ្លៀងធ្លាក់ខ្លាំង ខ្យល់បក់មានល្បឿនពី ១៧-១៩ ម៉ែត្រ ក្នុង១វិនាទី។ រលកសមុទ្រ មានកម្ពស់ខ្ពស់ៗ ពិសេសនៅថ្ងៃទី ២០ និងថ្ងៃទី ២១ តុលា។
តំបន់ទំនាបកណ្ដាល៖ បណ្ដាខេត្ត ដែលឋិតនៅតាមបណ្ដោយព្រំដែន កម្ពុជា-វៀតណាម អាចនឹងមានភ្លៀងធ្លាក់ពីបង្គួរទៅច្រើន។
តំបន់ខ្ពង់រាប៖ មានភ្លៀងធ្លាក់ពីតិចទៅមធ្យម។

ព័ត៌មានលម្អិតសូមមើលសេចក្ដីជូនដំណឹងខាងក្រោមនេះ៖