ឈិត សេរីវណ្ណថង ធ្វើការធ្ងន់ ប៉ះដៃគូរឹង និងពូកែដើរចូលបុក
- 2018-10-20 08:29:10
- ចំនួនមតិ 0 | ចំនួនចែករំលែក 0
ឈិត សេរីវណ្ណថង ធ្វើការធ្ងន់ ប៉ះដៃគូរឹង និងពូកែដើរចូលបុក
ចន្លោះមិនឃើញ
អ្នកប្រដាល់វ័យក្មេង ឈិត សេរីវណ្ណថង ត្រូវធ្វើការធ្ងន់ហើយថ្ងៃអាទិត្យ ទី២១ ខែតុលា ២០១៨ ព្រោះប៉ះជើងខ្លាំងថៃវ៉ៃមិនឈឺ និងល្អដើរបុក សំខាន់ទើបផ្ដួល ឡុង ជិន ឲ្យសន្លប់ប៉ុន្មានសប្ដាហ៍នោះទេ។
សិស្សគុនមកពីបាត់ដំបងខាងលើនេះ នឹងត្រូវប្រកួតសប្ដាហ៍ទី២របស់ខ្លួននៃកម្មវិធីប្រដាល់ ISI របស់សង្វៀន CNC ដោយវិលមកជួបកីឡាករថៃ Phit Bunmi ថ្ងៃអាទិត្យនេះ។ វណ្ណថង ត្រូវធ្វើការរឹតតែធ្ងន់ជាងជុំទី១ទៅទៀត ប្រសិនបើចង់ឈ្នះ៣ពិន្ទុបន្ថែម ព្រោះជើងខ្លាំងថៃ គេល្អទាំងស៊ុហ្វ រឹង និងចូលចិត្តដើរបុកមិនញញើតនោះឡើយ។
កូនសិស្សលោក ឈុត សេរី ខាងលើ មិនសូវធ្វើបានល្អនៅជុំទី១ បើទោះជាឈ្នះមែន ប៉ុន្តែឈ្នះប្រផឹតប្រផើយប៉ុណ្ណោះ ខណៈកម្លាំង និងស្នៀតចូលចាប់នៅជ្រាយនៅឡើយ។ ដូច្នេះប្រសិនបើកីឡាករកម្ពុជារូបនេះមិនប្ដូរទម្រង់វ៉ៃ និងកែប្រែចំណុចខ្វះខាតដែលខ្លួនមានទេ អាចនិងសន្លប់ដូច ឡុង ជិន ទៀត។ Phit Bunmi មិនចូលចិត្តវ៉ៃប្រោះនោះឡើយ បើផ្ដាច់បានគេផ្ដាច់ហើយ ដើម្បីធានាកៅអីទៅជុំទី២បន្តទៀត។
រំលឹកដែរថា កម្មវិធីប្រកួតដណ្ដើមពានរង្វាន់ ISI ទម្ងន់ ៥៧គីឡូក្រាម របស់ CNC បានឈានដល់សប្ដាហ៍ទី២ ថ្ងៃអាទិត្យនេះហើយ ដោយ ឈិត សេរីវណ្ណថង ប៉ះ Phit Bunmi ខណៈ ឡុង ជិន ប៉ះ Phou Tak Vann៕