បទចម្រៀងថ្មីពី អ្នកតែងនិពន្ធបទចម្រៀងម្នាក់មិនធ្លាប់មានអ្នកស្គាល់
- 2018-10-20 08:00:00
- ចំនួនមតិ 0 | ចំនួនចែករំលែក 0
បទចម្រៀងថ្មីពី អ្នកតែងនិពន្ធបទចម្រៀងម្នាក់មិនធ្លាប់មានអ្នកស្គាល់
ចន្លោះមិនឃើញ
មានឈ្មោះក្នុងវិស័យចម្រៀង ជាតន្រ្តីករ និងអ្នកផលិតបទចម្រៀងជាច្រើនបទ តែមិនសូវបានបង្ហាញមុខជាសាធារណៈនោះទេ សិល្បករម្នាក់នេះមានឈ្មោះថា សួគ៌ មេឃ ស្រាប់តែពេលនេះចេញចម្រៀងទោលម្នាក់ឯង យ៉ាងពីរោះ និងអត្ថន័យចាក់ដោត។
ក្នុងរង្វង់សិល្បៈតែងនិពន្ធចម្រៀងថ្មី ចាប់ឆ្នាំ ២០១០ មកដល់បច្ចុប្បន្ន មានសិល្បករជាច្រើនបានស្គាល់ និងរាប់អាន លោក មេឃ និងធ្លាប់បានពឹងរូបលោកឱ្យតែងចម្រៀង និងផលិតចម្រៀងឱ្យជាច្រើនអន្លើក តែស្នាដៃរបស់លោកមានខ្លះក៏បានផ្តល់ជា ឈ្មោះឱ្យ ខ្លះក៏អត់អ្នករំលឹក។
ដោយសារតែរូបលោកផ្ទាល់មានជំនួញគ្រួសារផ្ទាល់ខ្លួនដែល មិនអាចបង្ហាញខ្លួនក្នុងសិល្បៈ បានកាលពីពេលកន្លង ទើបមិនអាចបង្ហាញខ្លួនក្នុងវីស័យសិល្បៈបាន។ ក៏ប៉ុន្តែទេពកោលស្យ និងចិត្តស្រលាញ់ចម្រៀងតែងនិពន្ធថ្មី ហាក់ពិបាកហាមរូបលោកមិនឱ្យប្រឡូកក្នុងវិស័យចម្រៀងសារជាថ្មីបាន។ រីឯម្តងនេះ សិល្បករចម្រៀង សំឡេងធ្ងន់រណ្តុំចិត្ត បានចេញចម្រៀងថ្មីមួយបទដែលតែងឡើងជិត២ឆ្នាំមកហើយ ទើបតែបង្ហោះ លើ Youtube របស់ខ្លួន សម្រាប់ចែកជូនកម្សាន្តអារម្មណ៍ក្នុងថ្ងៃសំរាក។
អត្ថន័យបទថ្មីនេះផង ដែលរូបលោកធ្វើឡើងដើម្បីផ្ញើជូនមិត្តភ័ក្រ្តដែលធ្លាប់ស្គាល់រូបលោក ហើយតាមឡើយបទចម្រៀង Sad នេះជាសំនេរចម្រៀងខ្លីច្រៀងចំអក់លេងសើចឱ្យមិត្តភ័ក្រ្តប៉ុណ្ណោះ។ ក៏ប៉ុន្តែ លោក មេឃ ក៏យកមកច្នៃទំនុកថ្មី កែសាច់ភ្លេងខ្លះៗ បញ្ចូលមនោសញ្ចេតនា បង្កើតអារម្មណ៍សោកសៅ ជាមួយពាក្យពេជន៍លួងលោមនារីម្នាក់ឱ្យត្រឡប់មកវិញ។
លោក សួគ៍ មេឃ សង្សឹមថាបទថ្មីនេះនឹងអាំចផ្តល់នូវអារម្មណ៍កក់ក្តៅសម្រាប់មិត្តដែលបាត់បង់ស្នេហា ហើយសង្ឃឹមថាពួកគេនឹងអាចត្រឡប់មកត្រូវគ្នាម្តងទៀត។
សូមរីករាយសណ្តាប់បទ Sad ច្រៀងដោយ លោក សួគ៍ មេឃ ខាងក្រោម៖