Rihanna ប្រកែកមិនសម្ដែងក្នុងកម្មវិធីយក្ស Super Bowl លើកទី៥៣ ដោយសារមូលហេតុនយោបាយ១
- 2018-10-20 09:20:00
- ចំនួនមតិ 0 | ចំនួនចែករំលែក 0
Rihanna ប្រកែកមិនសម្ដែងក្នុងកម្មវិធីយក្ស Super Bowl លើកទី៥៣ ដោយសារមូលហេតុនយោបាយ១
ចន្លោះមិនឃើញ
កំពូលតារាចម្រៀង Rihanna ត្រូវគេផ្ដល់ឱកាសឲ្យសម្ដែងនៅក្នុងកម្មវិធីដ៏ធំនិងសំខាន់មួយគឺ Super Bowl លើកទី២៥ ឆ្នាំក្រោយនេះ ប៉ុន្តែតារារូបនេះស្រាប់តែបដិសេធភ្លាម់ៗតែម្ដង ដោយសារតែនាងគាំទ្រកីឡាករកីឡានេះមួយរូបគឺលោក Colin Kaepernick។ កម្មវិធីធ្លាប់មានតារាល្បីៗលំដាប់ពិភពលោកជាច្រើនចូលរួមសម្ដែង ដូចជា Beyonce, Lady Gaga, Katy Perry និង Bruno Mars ជាដើម។
តារាវ័យ៣០ឆ្នាំរូបនេះ បដិសេធសំណើដ៏ធំនេះ ដោយសារតែនាងគាំទ្រកីឡាករប្រចាំក្រុម San Francisco 49er លោក Colin Kaepernick ដែលត្រូវគេបណ្ដេញចេញពីក្រុមកីឡាបាលឱបជាតិ NFL ប្រចាំសហរដ្ឋអាមេរិកដោយសារសកម្មភាពធ្វើកូដកម្មបែបសន្តិភាពដោយលុតជង្គង់ពេលគោរពភ្លេងជាតិ។
បើតាមប្រភពមួយប្រាប់ទស្សនាវដ្ដី US Weekly បានឲ្យដឹងថា NFL និង CBS ពិតជាចង់បាន Rihanna ដើម្បីចូលរួមសម្ដែងក្នុងកម្មវិធីនេះ ដែលនឹងប្រារព្ធទៅនៅទីក្រុង អាត្លង់តា ខ្លាំង។ គេបានផ្ដល់សំណើនេះទៅនាងប៉ុន្តែ នាងមិនព្រម។ ទោះបីជាការប្រគំតន្ដ្រីនេះអាចផ្ដល់ប្រយោជន៍នាង ជាច្រើនពាក់ព័ន្ធនឹងការប្រគំតន្ដ្រីទេសចរណ៍ និងអាល់ប៊ុមថ្មីក៏ដោយ។
ហេតុការណ៍ដែលកីឡាករ Colin Kaepernick ធ្វើការលុតជង្គង់នេះ គឺកើតឡើងតាំងពីឆ្នាំ ២០១៦មកម្ល៉េះ ដោយលោកលុតជង្គង់ទាមទារឲ្យមានភាពយុត្តិធម៌នៃការសម្លាប់ជនជាតិស្បែកខ្មៅ ពីសំណាក់ក្រុមប៉ូលិស នៅសហរដ្ឋអាមេរិក ដែលធ្វើឲ្យមានការមិនពេញចិត្តនិងពេញចិត្តគាំទ្រច្របូកច្របល់យ៉ាងច្រើនក្នុងពេលកន្លងមក៕