ដល់ថ្ងៃមែនទែនហើយ! ពិព័រណ៍សិល្បៈធំសម្បើមប្រចាំឆ្នាំ អត់បានទៅ ដឹងតែស្ដាយក្រោយ
- 2018-10-20 23:00:00
- ចំនួនមតិ 0 | ចំនួនចែករំលែក 0
ដល់ថ្ងៃមែនទែនហើយ! ពិព័រណ៍សិល្បៈធំសម្បើមប្រចាំឆ្នាំ អត់បានទៅ ដឹងតែស្ដាយក្រោយ
ចន្លោះមិនឃើញ
ចាប់ពីម៉ោង ១ រសៀល ក្នុងថ្ងៃនេះផ្ទាល់ នៅ The Factory Phnom Penh នឹងមានរៀបចំពិព័រណ៍សិល្បៈចម្រុះមួយ ដែលនាំមកនូវទស្សនីយភាពសិល្បៈ ការកម្សាន្តនានា និងអាហារច្រើនសម្បូរបែប សម្រាប់ទទួលអ្នកឈ្លក់វង្វេងនឹងការច្នៃប្រឌិតទាំងឡាយ។
កម្មវិធីដ៏ធំប្រចាំឆ្នាំនេះមានឈ្មោះថា Wanderland X Arts រៀបចំឡើងដោយក្រុមហ៊ុន Wanderland Event ដែលប្រមូលផ្ដុំដោយការតាំងលក់ និងបង្ហាញពីស្នាដៃសិល្បៈប្លែកៗ របស់សិល្បករ ឬវិចិត្រករខ្មែរ ក៏ដូចជាស្នាដៃផ្សេងៗទៀតមកពីជុំវិញពិភពលោក។
ក្នុងនោះ អ្នកនឹងបានទស្សនាការគូរគំនូរផ្ទាល់ពីវិចិត្រករ YSK CHAOS រួមជាមួយការប្រគំតន្ត្រី ពីតារាចម្រៀងមកពីផលិតកម្ម Klapyahandz និងក្រុម Boxchords។ ពិសេសជាងនេះ តួសំខាន់ ២ រូប ក្នុងរឿង "គ្រាប់ពេជ្រ" គឺលោក ឆេកឃី និង វណ្ឌី ពិសិដ្ឋ នឹងបង្ហាញខ្លួនដើម្បីធ្វើកិច្ចសំណេះសំណាលជាមួយអ្នកគាំទ្រ ខណៈដាក់បញ្ចាំងភាពយន្តនេះ ឲ្យមើល Free ផងដែរ។
កុំភ្លេចណាត់មិត្តភ័ក្ដិ ឬអ្នកជាទីស្រលាញ់ទៅជាមួយគ្នាណា៎! ព្រោះមានការកម្សាន្តច្រើន ហើយមានរបស់ញ៉ាំហូរហៀរណាស់។ កម្មវិធីនឹងបើកឲ្យចូលរួមដោយសេរី ចាប់ពីម៉ោង ១ ដល់ ៦:៣០ នាទីល្ងាច។ ដោយឡែក ដើម្បីទស្សនាកុន អ្នកត្រូវចូលរួមកម្មវិធីប្រកួតដើម្បីឈ្នះសំបុត្រដោយគោរពតាមលក្ខខណ្ឌដែលរៀបរាប់តាម Link នេះ Wanderland X Arts ។ ព័ត៌មានបន្ថែមសូមចូលទៅកាន់៖ Wanderland ៕