ស្មើយប់មិញ Jose រកវ៉ៃជាមួយជំនួយការគ្រូបង្វឹក Chelsea ទៀត
- 2018-10-21 01:35:22
- ចំនួនមតិ 0 | ចំនួនចែករំលែក 0
ស្មើយប់មិញ Jose រកវ៉ៃជាមួយជំនួយការគ្រូបង្វឹក Chelsea ទៀត
ចន្លោះមិនឃើញ
ក្រុមបិសាចក្រហម Manchester United លេងបានត្រឹមស្មើជាមួយក្រុម Chelsea ដែលជាម្ចាស់ផ្ទះ ក្នុងលទ្ធផល ២-២ នៃលីគកំពូលអង់គ្លេស។
ក្នុងការប្រកួតនោះ ម្ចាស់ផ្ទះ Chelsea ព្យាយាមស្វែងរកគ្រាប់បាល់មែនទែន រហូតបាន១គ្រាប់នាំមុខមុន។ យ៉ាងណាមិញ ការនាំមុខនេះ មិនធ្វើឱ្យតោខៀវយកបាន៣ពិន្ទុឡើយ ដោយផ្ទុយទៅវិញនៅតង់ទី២ ខ្សែប្រយុទ្ធ Martial រកបាន២គ្រាប់វិញឱ្យ Man Utd នាំមុខម្ចាស់ផ្ទះ។ លទ្ធផលចាញ់គេនេះហើយ ក្រុមរបស់លោក Sarri ក៏បានព្យាយាមហើយព្យាយាមទៀត រហូតបាន១គ្រាប់ស្មើគ្នានៅនាទី៩០+។
១គ្រាប់តាមស្មើនេះហើយ បានធ្វើឱ្យលោក Marco Ianni ជំនួយការគ្រូបង្វឹករបស់ Chelsea សប្បាយចិត្ត រហូតដល់ទៅអបអរនៅមុខ Jose Mourinho ។ ពេលនោះហើយ ដែលធ្វើឱ្យអ្នកចាត់ការ Man Utd ខឹងច្រលោតរកទៅវាយ Marco តែម្ដង។ សំណាងដែរនៅគ្រានោះមានគេចាប់ទាន់ កុំអីមិនដឹងកើតរឿងវាយគ្នាយ៉ាងណានោះទេ៕