Roy Hodgson ថា Rooney នៅមានសមត្ថភាព មិនសមទៅលេងនៅអាមេរិកទេ

2018-10-21 04:14:59
ចំនួនមតិ 0 | ចំនួនចែករំលែក 0

ចន្លោះមិនឃើញ

Roy Hodgson អតីតគ្រូបង្វឹកជម្រើសជាតិអង់គ្លេស និងបច្ចុប្បន្នដឹកនាំក្រុម Crystal Palace បាននិយាយថាខ្សែប្រយុទ្ធ Wayne Rooney នៅមានសមត្ថភាពខ្ពស់ដដែល មិនសមឆាប់ទៅលេងនៅអាមេរិកទេ។

Rooney បច្ចុប្បន្នកំពុងលេងឱ្យក្លឹប D.C.United ក្នុងលីគកំពូលរបស់អាមេរិក។ វត្តមានរបស់ខ្សែប្រយុទ្ធរូបនេះ បានធ្វើឱ្យក្រុម D.C.United ដែលធ្លាប់តែនៅបាតតារាង បានមកឡើងដល់កំពូលតារាងវិញហើយ។ រួបគេតែងតែស្វែងរកគ្រាប់បាល់បានជានិច្ចសម្រាប់ក្រុមនៅប៉ុន្មានប្រកួតកន្លងមកនេះ។

សមត្ថភាពនៅតែល្អដដែលនេះហើយ បានធ្វើឱ្យលោក Roy Hodgson និយាយថាអតីតកីឡាករ Man Utd រូបនេះ មិនគួរឆាប់ចាកចេញពីអង់គ្លេសឡើយ។ រូបគេនៅមានកម្រិតប្រកួតប្រជែងខ្ពស់ទៀត មិនសមណាទៅលេងនៅអាមេរិកលឿនដូច្នេះទេ។ អតីតប្រធានក្រុមជម្រើសជាតិអង់គ្លេសនេះ រូបផ្លាស់ទៅលេងនៅអាមេរិករដូវកាលមុន បន្ទាប់ពីចាកចេញពី Man Utd មកលេងឱ្យ Everton បានមួយរយៈ៕

ប្រភព៖ USAtoday ប្រែសម្រួល៖ មុន្នីរម្យ