ញត្តិដង្ហោយរកយុត្តិធម៌ពី​ប្រជាជន ឲ្យរដ្ឋាភិបាលជួយក្រុម The East Light កើនឡើងរាប់ម៉ឺនសំឡេង

  • 2018-10-21 09:25:42
  • ចំនួនមតិ 0 | ចំនួនចែករំលែក 0

ចន្លោះមិនឃើញ

ម្ចាស់​ផលិតកម្ម​ Media Line Entertainment និង​ជា​អ្នក​និពន្ធ​បទ​ចម្រៀង​ Kim Chang Hwan កំពុង​ស្ថិត​ក្នុង​ស្ថានភាព​មិន​ស្រួល​ហើយ​ ពេល​រឿង​រ៉ាវ​ធ្វើបាប​តារារបស់​ខ្លួន​ផ្ទុះ​ឡើង។ ចំណែក​ផលិតករ​ប្រចាំ​ផលិតកម្ម​ ក៏​កំពុង​ជួប​រឿង​វឹកវរ​ដែរ។

កាល​ពី​ថ្ងៃ​ទី​ ១៩ ខែ​តុលា មេក្រុម​ The East Light មាន​ឈ្មោះ​ Lee Seok Cheul បាន​បើក​សន្និសីទ​មួយ​ទម្លាយ​ការពិត​ ពី​ការឈឺចាប់​ដែល​ខ្លូន​ និង​ក្រុម​បាន​ទទួល​ពី​ក្រុមហ៊ុន។ Seok Cheol បាន​និយាយ​ថា​ មាន​ម្ដង​ឪពុក​ម្ដាយ​របស់​ខ្លួន​ ប្រទះ​ឃើញ​ស្នាមរបួស​លើ​ខ្លួន រហូត​ប្ដឹង​ដល់​ក្រុមហ៊ុន​ឲ្យ​បញ្ឈប់​ទង្វើ​មិន​ល្អ​ដាក់​កូន។ ក្រៅ​ពី​ទទួល​ពាក្យ​ស្នើ​សុំ​ហើយ​ ខាង​ក្រុមហ៊ុន​ក៏​បាន​សន្យា​ថា​ នឹង​កែប្រែ​ទង្វើ​នេះ​ ប៉ុន្តែ​ធាតុ​ពិត​ការ​ធ្វើ​ទារុណកម្ម​នៅ​តែ​មានដដែល ទើប​ធ្វើ​ឲ្យ​ Seok Cheol និង​ Seunghyun ចាកចេញ​ពី​ក្រុម​ និង​ប្ដឹង​ទាមទារ​រក​យុត្តិធម៌។

រឿង​រ៉ាវ​នេះ​ កំពុង​ក្លាយ​ជា​ប្រធានបទ​ក្ដៅ​គគុក​ពេញ​ប្រទេស​កូរ៉េ​ ហើយ​ក៏​បាន​បង្ក​ឲ្យ​មាន​ការ​ខឹង​សម្បារ​ជា​ខ្លាំង​ពី​សំណាក់​ប្រជា​ជន​ពាក់ព័ន្ធ​នឹង​ករណី​ប្រើ​ហិង្សា​ដាក់​ក្មេងៗ​បែប​នេះ។ ប្រការ​នេះ​ហើយ​ ទើប​មហាជន​នាំគ្នា​ ដាក់​ញត្តិ​ស្នើ​ដល់​រដ្ឋាភិបាល​ ឲ្យ​ដោះស្រាយ​បញ្ហា​នេះ​ដោយ​យក​ចិត្ត​ទុកដាក់។

ចំនួនអ្នក​ដែល​គាំទ្រ​ក្នុង​យុទ្ធនាការ​នេះ​មាន​លើសពី​ ៧៧ ០០០សំឡេងទៅទៀតត្រឹម​មួយ​ថ្ងៃ​ប៉ុណ្ណោះ។ នេះ​ជា​អ្វី​ដែល​ប្រជាជន​មិនអាច​ព្រងើយ​កន្តើយ​បាន​ ដោយសារ​ក្ដី​អាណិត​ចំពោះ​ក្រុម​ក្មេង​ប្រុស​ដែល​រង​នូវ​ការ​ធ្វើ​ទារុណកម្ម​ឥត​ស្រាកស្រាន្ត​ ពី​ផលិតកម្ម និង​សុំមក​វិញ​នូវ​យុត្តិធម៌ពិតប្រាកដ៕


ប្រភព៖ Koreaboo   ប្រែ​សម្រួល៖ យី សុធារី