Mourinho លើកម្រាមដៃ៣ទៅកាន់អ្នកគាំទ្រ Chelsea តើមានន័យដូចម្ដេច?

2018-10-22 03:04:31
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកចាត់ការរបស់ Chelsea លោក Maurizio Sarri បានប្រាប់ទៅកាន់អ្នកគាំទ្ររបស់ក្លឹបថា ត្រូវបង្ហាញការគោរពទៅកាន់ Jose Mourinho។

Ross Barkley ជាវីរបុរសចុងក្រោយទាត់បញ្ចូលទីនាទី៩៦ ជួយ Chelsea តាមស្មើ Man Utd ២-២ នៅកីឡដ្ឋាន Stamford Bridge កាលពីថ្ងៃសៅរ៍។ ជំនួយគ្រូរបស់ Chelsea លោក Marco Ianni បានអបអរគ្រាប់របស់ Barkley នៅចំពោះមុខ Mourinho យ៉ាងសំបើម។ សកម្មភាពបែបនេះបានដុតអារម្មណ៍អ្នកចាត់ការរបស់បិសាចក្រហមយ៉ាង រហូតធ្វើឲ្យការផ្ទុះកំហឹង។

ក្រុមអ្នកគាំទ្ររបស់ Chelsea ហាក់មិនសប្បាយចិត្តនឹង Jose ដោយខ្លះបានបញ្ចេញកាយវិការមិនសមរម្យ ខណៈអ្នកចាត់ការសញ្ជាតិព័រទុយហ្គាល់បានលើម្រាមដៃ៣ទៅកាន់ពួកគេវិញ។ កាយវិការនេះ Mourinho ចង់រំឭកថា លោកធ្លាប់ជួយតោខៀវឈ្នះពាន Premier League ៣ដងក្នុងប្រវត្តិសាស្ត្រ។

Chelsa ធ្លាប់ឈ្នះ Premier League ៦ដង ដោយលើកដំបូងរដូវកាល១៩៥៤-៥៥។ ទម្រាំតែស្គាល់ជាតិពាននេះម្ដងទៀត ពួកគេត្រូវរងចាំដល់រដូវកាល២០០៤-០៥ ដែលកាលនេះជារជ្ជកាលរបស់ Jose Mourinho៕