ព្រោះរឿង VISA ក្រុមកម្ពុជា មិនអាចចូលរួមកម្មវិធី Homeless World Cup នៅមិចសិកូ
- 2018-10-22 08:42:07
- ចំនួនមតិ 0 | ចំនួនចែករំលែក 0
ព្រោះរឿង VISA ក្រុមកម្ពុជា មិនអាចចូលរួមកម្មវិធី Homeless World Cup នៅមិចសិកូ
ចន្លោះមិនឃើញ
ក្រុម Happy Football Cambodia Australia (HFCA) បានប្រកាសពីការសោកស្ដាយរបស់ខ្លួន ក្នុងការមិនអាចចូលរួមកម្មវិធី 2018 Homeless World Cup នៅប្រទេសរុស្ស៊ីបាន។
កត្តាដែលធ្វើឱ្យខាងក្រុមកម្ពុជាមួយនេះសម្រេចចិត្តដកខ្លួនចេញ គឺដោយសារតែពួកគេពិបាកក្នុងការទទួលបាន VISA ដើម្បីធ្វើដំណើរទៅចូលរួមប្រកួតពានរង្វាន់ខាងលើដែលធ្វើឡើងចាប់ពីថ្ងៃទី១៣ដល់១៨ខែវិច្ឆិកាឆ្នាំ២០១៨ខាងមុខ។ កីឡាករកម្ពុជាទាំង៨នាក់ បានព្យាយាមយ៉ាងខ្លាំងអស់ពីសមត្ថភាពហើយ ក្នុងការទៅសុំ VISA ហើយ ដោយពួកគេបានចំណាយពេលច្រើនថ្ងៃ នៅប្រទេសថៃដើម្បីទទួលបាន ប៉ុន្តែចុងក្រោយនៅតែពិបាកដដែល។
ដោយសារតែដូច្នេះហើយ ទើបបានជាក្រុមពួកគេសម្រេចចិត្តបោះបង់ឱកាសនេះតែម្ដង។ លោក Paraic Grogan ដែលជា CEO នៃក្រុម HFCA បាននិយាយដូច្នេះថា៖ “យើងពិតជាខកចិត្ត ដោយសារតែការខ្វះជំនួយរបស់ខាងមន្ត្រីមិចសិកូ បន្ទាប់ពីយើងបានចំណាយពេល៦ខែ ដើម្បីទទួលបាន VISA ទៅចូលរួមកម្មវិធីនេះ។ វាជាកម្មវិធីមួយដែលធ្វើឱ្យក្មេងៗមានមោទនភាព ក្នុងការចូលរួម និងឱកាសរបស់ពួកគេបានបញ្ចេញសមត្ថភាព។ ក្រុមកីឡាកររបស់យើងពិតជាពិបាកចិត្ត ចំពោះការមិនបានចូលរួមពានរង្វាន់ខាងលើនេះ ដើម្បីលើកទង់ជាតិរបស់ពួកគេ។ យើងសង្ឃឹមថានៅឆ្នាំក្រោយ នៅប្រទេសវែល ក្រុមរបស់យើងនឹងអាចមានឱកាសចូលរួមបាន”៕