BLACKPINK ក្លាយជាក្រុមកូរ៉េដំបូងគេ ដែលចម្រៀង ៣ បទ មានអ្នកចូលមើលជាង ៤០០ លានដង
- 2018-10-24 04:10:00
- ចំនួនមតិ 0 | ចំនួនចែករំលែក 0
BLACKPINK ក្លាយជាក្រុមកូរ៉េដំបូងគេ ដែលចម្រៀង ៣ បទ មានអ្នកចូលមើលជាង ៤០០ លានដង
ចន្លោះមិនឃើញ
វីដេអូបទ "BOOMBAYAH” របស់ក្រុម BLACKPINK ទើបតែកើនអ្នកចុចមើលរហូតដល់ ៤០០ លានដងលើ YouTube ដែលនេះជាបទចម្រៀងដំបូងគេរបស់ក្រុមចម្រៀងនេះ ដែលទទួលបានលទ្ធផលមិនគួរឲ្យជឿបែបនេះ។
មួយវិញទៀត ជាមួយនឹងភាពជោគជ័យនេះដែរ បានធ្វើឲ្យក្រុមចម្រៀង BLACKPINK ក្លាយជាក្រុមចម្រៀងកូរ៉េដំបូង ដែលបទចម្រៀង៣ បទ មានអ្នកចុចមើលរហូតដល់ ៤០០ លានដងលើបណ្ដាញសង្គម YouTube។
“BOOMBAYAH” ត្រូវបានចេញវីដេអូជាផ្លូវការនៅថ្ងៃទី ០៨ ខែសីហា ឆ្នាំ ២០១៦។ បទនេះ គឺជាបទចម្រៀងដំបូងគេរបស់ក្រុម BLACKPINK ហើយទទួលបានអ្នកចុចមើលកើនដល់ ៤០០ លានដងនៅម៉ោង ៩ យប់ ថ្ងៃទី ២៣ ខែតុលានេះ។ បទចម្រៀង ២ បទផ្សេងទៀត ដែលទទួលបានអ្នកចុចមើលរហូតដល់ ៤០០ លានដងដែរនោះ មានបទ "AS IF IT'S YOUR LAST” និង "DDU-DU DDU-DU”៕
ទស្សនាវីដេអូខាងក្រោម៖