តារាច្រើនរូប និយមដើរលេងក្រៅប្រទេស មានជីវិតយ៉ាងរីករាយ

2018-10-24 07:18:00
ចំនួនមតិ 0 | ចំនួនចែករំលែក 0

ចន្លោះមិនឃើញ

មានតារាជាច្រើន ត្រូវបានអ្នកគាំទ្រចាប់អារម្មណ៍ថា និយមចូលចិត្តទៅក្រៅប្រទេសណាស់។ ក្នុងនោះមានដូចជា៖

មាស សុខសោភា៖ តារាចម្រៀងរូបនេះ ឧស្សាហ៍ចេញទៅក្រៅប្រទេសណាស់។ ម្ចាស់បទ "មួយពាន់រាត្រី" ដើរស្ទើរគ្រប់ប្រទេសជុំវិញពិភពលោកទៅហើយ។ អ្នកសិល្បៈជាច្រើនច្រណែននឹងជីវិតយ៉ាងសប្បាយរីករាយ ហាក់គ្មានកង្វល់របស់តារាចម្រៀងនៅផលិតកម្ម ថោន ខ្លាំងណាស់។

ភិន សុដាលីស៖ មិនថាប្រទេសនៅអ៊ឺរ៉ុប ប៉ែកខាងអាស៊ី ក៏កូនស្រីម្ចាស់ផលិតកម្ម មហាហង្ស ដើរលេងថតរូប ស្ទើរគ្រប់អស់ទៅហើយ។ ស្ទើរពេញមួយឆ្នាំ គេឃើញតួអង្គក្នុងរឿង "ណូលីណូឡា" ហោះទៅក្រៅប្រទេសញឹកញាប់។

សុគន្ធ ថេរ៉ាយុ៖ មិនខុសពីតារាខាងលើ ម្ចាស់បទ "ស្រលាញ់អូនលើសហើយ" ហោះទៅក្រៅប្រទេស រហូតអ្នកគាំទ្រ ចាត់ទុកតារារូបនេះ ជាតារាសម្បូរទ្រព្យ។ ប្រទេសដែលលោកបានចេញទៅ មានដូចជា ចិន បារាំង ថៃ អង់គ្លេស ជាដើម។

ឈិត សុវណ្ណបញ្ញា៖ បើនិយាយពីបទចម្រៀង តារារូបនេះហាក់មិនសូវចេញច្រើនឡើយ តែបើដំណើរកម្សាន្តក្រៅប្រទេស ម្ចាស់បទ "ម្នាក់ឯងជាថ្មី" ហោះចេញក្រៅញឹកញាប់ ។ ប្រទេសដែល ឈិត សុវណ្ណបញ្ញា បានទៅលេងដូចជា អូស្រ្តាលី ចិន សឹង្ហបុរី អង់គ្លេស ក្រិក បារាំង ថៃជាដើម។

តាប៊ុយ៖ ជាពិធីករល្បីឈ្មោះ តារារូបនេះ សូម្បីចង់ប្រារព្ធខួបកំណើត ក៏ហោះចេញទៅប្រទេសថៃដែរ។ រូបលោក បានដើរកម្សាន្តនៅបរទេសជាញឹកញាប់ ក្នុងមួយរយៈចុងក្រោយនេះ ដូចជា ក្រិក ជប៉ុន កូរ៉េ ជាដើម។

អេឡិច ចាន់ត្រា៖ ចំណូលប្រចាំរបស់តារារូបនេះ តាមរយៈមុខជំនួញ ត្រូវគេបង្ហើបថា រកបានមិនតិចជាងម៉ឺនដុល្លារឡើយ។ ម្ល៉ោះហើយ ដំណើរកម្សាន្តទៅក្រៅប្រទេសសម្រាប់តារារូបនេះចាត់ទុកជារឿងធម្មតាទៅហើយ។ ស្ទើរប្រទេសនៅប៉ែកអឺរ៉ុប និងប្រទេសនៅអាស៊ី តារារូបនេះដើរជិតអស់ទៅហើយ។

មាន សូនីតា៖ អ្នកណាមិនល្បី រាជីនីក្រមា រូបនេះចូលចិត្តដើរលេងណាស់ ពិសេសក្រៅប្រទេសតែម្តង។ ប្រទេសជាច្រើន ម្ចាស់ហាង "ផ្ទះស្រលាញ់" ដើរគ្រប់អស់ទៅហើយ។

ឱក សុគន្ធកញ្ញា៖ តារាចម្រៀងកំពូលនៅហង្សមាស តែងចេញដំណើរទៅប្រទេសជាហូរហែរ មិនថាកម្សាន្តផ្ទាល់ខ្លួន និងចេញទៅលក្ខណៈការងារ។

អត្ថបទ៖ លឹម សុនា