ដើម្បីបានមុខដូចតុក្កតា តារាទាំង ១០នេះ ខំជះពេលវះកាត់ និងតែងមុខមិនធម្មតា
- 2018-10-25 07:45:00
- ចំនួនមតិ 0 | ចំនួនចែករំលែក 0
ដើម្បីបានមុខដូចតុក្កតា តារាទាំង ១០នេះ ខំជះពេលវះកាត់ និងតែងមុខមិនធម្មតា
ចន្លោះមិនឃើញ
ដើម្បីទទួលបានសម្រស់ស្រស់ស្អាត មនុស្សម្នាក់ៗតែងកែកុនសម្ផស្សដោយវះកាត់ ធ្វើយ៉ាងណាឲ្យមានសភាពស្អាតបាតជាងមុនទៅតាមការពេញចិត្ត។ ការកែសម្ផស្ស ឲ្យប្លែកពីកំណើត ក៏មានច្រើនប្រភេទដែរ អ្នកខ្លះចង់ឲ្យបានមុខដូចតារាល្បីៗ ស្របពេលខ្លះទៀតចង់ឲ្យខ្លួនឯងមានមុខដូចតុក្កតា ហើយមិនខ្វល់ក្នុងការចំណាយលុយកាក់ និងពេលវេលាឡើយឲ្យតែបានដូចអ្វីខ្លួនប្រាថ្នា។ ដូចតារាទូរទស្សន៍ ម៉ូដែលខាងក្រោមនេះជាឧទាហរណ៍ស្រាប់៖
១. តារាទូរទស្សន៍ Rodriguez Alves ឬ Human Ken Doll ជះលុយជាច្រើន ព្រោះតែព្យាយាមវះកាត់ជាច្រើនដងឲ្យមានមុខដូចតុក្កតា តាំងពីអាយុ ១៧ឆ្នាំ។
២. Valeria Lukyanova គឺជាតារាម៉ូដែលជនជាតិរុស្ស៉ីកើតក្នុងឆ្នាំ ១៩៨៥ និងជានារីម្នាក់ដែលល្បីថាមានមុខដូចតុក្កតា Barbie បំផុត។
៣. តារាម៉ូដែល Amber Guzman ប្រែខ្លួនទៅជាតុក្កតា Barbie តាំងពីអាយុ ១៨ឆ្នាំ នៅពេលនាងភ្ញាក់ខ្លួនថា នាងលូតលាស់ទន់ខ្សោយ ឆាប់ភ័យ ទើបនាងបែកគំនិតធ្វើអ្វីដែលខ្លួនស្រឡាញ់ ដើម្បីស្រោចស្រង់ជីវិតខ្លួនឯងឲ្យស្រស់ផូរផង់វិញដូចសព្វថ្ងៃ។
៤. តារាម៉ូដែល Duckie Thot នាងគឺជាម៉ូដែលអូស្ត្រាលី ដែលមានសម្បុរខ្មៅស្រស់ ឯមុខរបស់នាងវិញប្រៀបដូចតុក្កតា Barbie។
៥. តារាម៉ូដែល Justin Jedlica បានប្រាប់ថាលោកវះកាត់កែសម្ផស្សជាង ១០០ដងហើយ ទម្រាំបានមុខមាត់ដូចតុក្កតា។
៦. តារាម៉ូដែល Anastasia Shpagina តែងផាត់មុខ និងខំធ្វើយ៉ាងណាឲ្យដូចតុក្កតា Barbie។
៧. Nannette Hammond អ្នកម្ដាយរូបនេះបានចាយលុយប្ដីអស់ ជាង ៥០ម៉ឺនដុល្លារដើម្បីវះកាត់កែសម្ផស្ស ធ្វើយ៉ាងណាឲ្យដូចតុក្កតា។
៨. Dakota Rose ស្រីស្អាតរូបនេះមិនបានវះកាត់ដូចគេទេ ប៉ុន្តែនាងប្រើសមត្ថភាពដែលមានផាត់មុខឲ្យដូចតុក្កតាវិញ។
៩. Angelica Kenova ជានារីម្នាក់ទៀតហើយ ដែលកើបប្រជាប្រិយភាព តាមរយៈមុខមាត់បីដូចតុក្កតា ដោយមិនធ្លាប់ឆ្លងកាត់ការវះកាត់ម្ដងនាឡើយ។
១០. Lil Miquela នាងក៏បានធ្វើឲ្យម្នាក់ៗភ្ញាក់ សឹងមិនជឿនឹងភ្នែកដែរ ពេលបង្ហាញរូបរាងប្រៀបដូចតុក្កតាពិតៗ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
