ខុសរាល់ដង! SCG លក់បានច្រើនជាងមុន តែប្រាក់ចំណេញបែរថយចុះ

2018-10-26 07:45:59
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុនស៊ីម៉ងត៍ដ៏ធំ SCG បានប្រកាសពីប្រាក់ចំណូលសម្រាប់ត្រីមាសទី ៣ ប្រចាំឆ្នាំ ២០១៨ ដោយក្នុងនោះប្រាក់ចំណូលពីការលក់មាន ៣,៧១៦ លានដុល្លារ កើនឡើង ២% បើធៀបនឹងត្រីមាសមុន និងកើនឡើង ៩% បើធៀបនឹងត្រីមាសទី៣ ឆ្នាំ ២០១៧។

ប៉ុន្តែបែរជាថយប្រាក់ចំណេញទៅវិញ ដោយបាន ២៨៧លានដុល្លារ ធ្លាក់ចុះ ២៤% បើធៀបនឹងត្រីមាសមុន ហើយធ្លាក់ចុះ ២០ បើធៀបនឹងត្រីមាសទី៣ ឆ្នាំ ២០១៧។

លោក Roongrote Rangsiyopash ជាប្រធាន និងនាយកប្រតិបត្តិក្រុមហ៊ុន SCG បាននិយាយថា ការថយចុះនៃប្រាក់ចំណេញនេះក៏ដោយសារ ការកើនឡើងនៃវត្ថុធាតុដើម និងថាមពល ការធ្លាក់ចុះនៃពាណិជ្ជកម្មសាកលលោក និងការខូចបង់នូវទ្រព្យសកម្ម។

បន្ទាប់ពីរងផលប៉ះពាល់ទាំងនេះ SCG ក៏ដាក់ចេញនូវទិសដៅទាំង ៦ ដើម្បីទប់ទល់នឹងស្ថានភាពខាងលើ ដែលមានដូចជា៖

ពង្រីកការនាំចេញស្របតាមលំហូរទីផ្សារសាកលលោក
គ្រប់គ្រងការចំណាយលើថាមពល
ប្រើប្រាស់បច្ចេកវិទ្យាឌីជីថលដើម្បីលើកកម្ពស់ប្រសិទ្ធភាព
អភិវឌ្ឍនវានុវត្តន៍ ផលិតផល និងសេវាកម្មដែលមានតម្លៃខ្ពស់ (HVA)
ពង្រឹងប្រសិទ្ធភាពទុនការងារ
ពិនិត្យឡើងវិញលើគម្រោងវិនិយោគ និងការចំណាយលើការវិនិយោគ

ដោយឡែកនៅកម្ពុជា ប្រាក់ចំណូល SCG ត្រឹមត្រីមាសទី ៣ ឆ្នាំ ២០១៨ បាន ៩៨លានដុល្លារ ដែលកើនឡើង ១៧% ដោយសារតម្រូវការជាច្រើនសម្រាប់ស៊ីម៉ងត៍ និងសម្ភារៈសំណង់។ រីឯចំណូលពីការលក់រយៈពេល ៩ខែ ឆ្នាំ ២០១៨ SCG ទទួលបាន ៣០០លានដុល្លារ។

ថ្មីៗនេះ SCG ក៏បានបើកមជ្ឈមណ្ឌលសេវាកម្មប្រឹក្សា និងដំណោះស្រាយផ្នែកដំបូលដំបូងគេនៅភ្នំពេញ ដែលផ្ដល់សេវាកម្មគ្រប់ជ្រុងជ្រោយពីអ្នកជំនាញលើការរចនាប្លង់ ជ្រើសរើសសម្ភារៈ ស្វែងរកជាងសំណង់ ព្រមទាំងសេវាកម្មស្វែងរកជាងសំណង់ជាដើម។

សម្រាប់ព័ត៌មានបន្ថែមពីសេវាកម្មខាងលើ ទាក់ទងលេខទូរសព្ទ 095 999 500 ៕