ដល់កហើយ! SM ផ្ដើមលេងធម៌ក្ដៅដាក់អ្នកបរិហារថា Chanyeol និង Taeyeon ទាក់ទងគ្នា
- 2018-10-27 02:15:35
- ចំនួនមតិ 0 | ចំនួនចែករំលែក 0
ដល់កហើយ! SM ផ្ដើមលេងធម៌ក្ដៅដាក់អ្នកបរិហារថា Chanyeol និង Taeyeon ទាក់ទងគ្នា
ចន្លោះមិនឃើញ
ផលិតកម្ម SM បានទម្លាយថា Taeyeon មេក្រុម Girls' Generation និង Chanyeol សមាជិក EXO កំពុងក្លាយជាគោលដៅរបស់មនុស្សមួយចំនួន ដោយគិតមិនល្អមកលើ បង្កឲ្យមានរឿងរ៉ាវពេញអ៊ីនធើណិត។ ទាក់ទងនឹងបញ្ហានេះ SM ក៏បានប្រកាសថា ខ្លួនកំពុងចាត់វិធានការក្ដៅៗទប់ស្កាត់ព័ត៌មានមិនល្អទាំងនេះដែរ។
នៅថ្ងៃទី ២៦ ខែតុលា ផលិតកម្ម SM បានបង្ហោះសេចក្ដីប្រកាសមួយលើវិបសាយផ្លូវការ ដិយផ្ដើមថា៖ "អរគុណអ្នកគាំទ្រសម្រាប់ការផ្ដល់ព័ត៌មាន ពួកយើងកំពុងចាត់វិធានការទៅតាមផ្លូវច្បាប់ តតាំងនឹងការបរិហារកេរ្តិ័ និងប្រមាថដល់តារារបស់យើង។ សម្រាប់ការស៊ើបអង្កេតវែករកការពិតចំពោះករណីនេះ កំពុងដំណើរការហើយ។ ជាលទ្ធផលនៃពាក្យបណ្ដឹងដែលផលិតកម្មកំពុងបញ្ជូនទៅនេះ គឺជាករណីបទល្មើស ដែលចង់បញ្ជាក់ដល់អ្នកទាំងនោះឲ្យទទួលខុសត្រូវនឹងអ្វីដែលពួកគេព្យាយាមបរិហារកេរ្តិ័ប៉ះពាល់កិត្តិយស Taeyeon និង Chanyeol។ យើងក៏កំពុងសង្កេតសកម្មភាពរបស់តារារបស់យើងដែរ។ យើងនឹងបន្តតាមដាន និងចាត់ការតាមផ្លូវច្បាប់ដើម្បីការពារតារារបស់យើងដូចគ្នា"។
ក្រឡេកទៅកាលពីឆ្នាំមុន SM បានប្រកាសថាតារាៗក្នុងផលិតកម្ម រងនូវការឈឺចាប់ពាក់ព័ន្ធនឹងជំងឺផ្លូវចិត្ត ហើយវិបត្តិនេះកើតឡើង ក៏ដោយសារតែរងនូវអំពើបរិហារកេរ្តិ៍ខ្លាំងពេក។ យោងតាមកត្តានេះហើយទើបផលិតកម្មផ្ដើមយកចិត្តទុកដាក់ពេញទំហឹង ការពារតារាៗពីរឿងទាំងនេះ៕