ចិនកំពុងសង់កប៉ាល់ ទីតានិចទី២ ឲ្យដូចខ្មោចកប៉ាល់ទីតានិចបេះបិទ
- 2018-10-27 09:22:29
- ចំនួនមតិ 0 | ចំនួនចែករំលែក 0
ចិនកំពុងសង់កប៉ាល់ ទីតានិចទី២ ឲ្យដូចខ្មោចកប៉ាល់ទីតានិចបេះបិទ
ចន្លោះមិនឃើញ
ចិនកំពុងចម្លងកប៉ាល់ Titanic II ហើយត្រូវគេរំពឹងថាវានឹងបើកបរបាននៅឆ្នាំ ២០២២។ គម្រោង ទីតានិចទី២ នេះនឹងធ្វើឲ្យដូចកប៉ាល់ដើមដែលលិចកាលពីឆ្នាំ ១៩១២ បេះបិទ ប៉ុន្តែគ្រាន់តែថែមបច្ចេកវិទ្យាទំនើប និង បំពាក់រ៉ាដា។
"Titanic II" គឺជាគំនិតរបស់មហាសេដ្ឋីអូស្ត្រាលីលោក Clive Palmer ដែលជាមហាសេដ្ឋីរ៉ែ និង ជាម្ចាស់ក្រុមហ៊ុនដឹកជញ្ជូន Blue Star Line។ Titanic II ត្រូវចំណាយទុន ៥០០ លានដុល្លារដើម្បីសាងសង់ មានកាប៊ីនសរុប ៨៣៥ ដែលអាចផ្ទុកអ្នកដំណើរចំនួន ២ ៤៣៥ នាក់ រួមនឹងក្រុមនាវិកជាង ៥០០ នាក់។
អ្វីដែលគួរឲ្យចាប់អារម្មណ៍របស់ Titanic II គឺអ្វីគ្រប់យ៉ាងនឹងធ្វើឲ្យអ្នកដំណើរដូចមានអារម្មណ៍ថាត្រលប់ទៅលើកប៉ាល់ជាង១០០មុន។ សំបុត្រត្រូវបែងចែកជា៣ថ្នាក់ គឺថ្នាក់ទី១ ថ្នាក់ទី២ និង ថ្នាក់ទី៣ ដូចជំនាន់នោះ។
Titanic II នឹងធ្វើដំណើរនៅឆ្នាំ២០២២ ដោយផ្តើមចេញពីទីក្រុងឌុយបៃ ទៅកាន់ទីក្រុង Southampton ប្រទេសអង់គ្លេសមុននឹងធ្វើដំណើរតាមគន្លងដដែល ដែល Titanic បានលិចកាលពីអតីតកាល ដោយចេញពីអង់គ្លេស កាត់តាមមហាសមុទ្រអាត្លង់ទិកទៅកាន់ទីក្រុងញីវយ៉ក៕