លម្អិតសម្ដី Kris ពេលនិយាយទាក់ទង EXO និងហេតុផលពិតខ្លួនធ្វើជាតារាទោល

2018-10-30 05:17:10
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងបទសម្ភាសកាលពីពេលថ្មីៗនេះ Kris បាននិយាយទាក់ទងព័ត៌មានមួយចំនួនរវាងខ្លួន និងក្រុមចម្រៀង EXO ដែលធ្វើឲ្យអ្នកគាំទ្រទាំងអស់ផ្ដោតការយកចិត្តទុកដាក់បំផុត។

ចំណាយពេលជាមួយ "VLAD TV” តារាចម្រៀងចិន Kris Wu ត្រូវអ្នកសម្ភាសសួរសំណួរមួយចំនួន ពីពេលវេលាក្នុងក្រុមចម្រៀង EXO។ ចាប់ផ្ដើមដំបូង អ្នកសម្ភាសបានបន្លឺឡើងបែបស្មានៗ ថា Kris ជាសមាជិកទី ១១ ប៉ុន្តែភ្លាមៗតារាប្រុសរូបនេះក៏ប្រញាប់កែថា សមាជិកសរុបទាំងអស់ ១២នាក់ទេ។

សំណួរក៏បន្តថា "អ៊ីចឹងពួកគេក្លាយជាក្រុមធំមែនទេ? ក្រុមមួយដែលលក់ចម្រៀងដាច់ខ្លាំងជាងគេនៅកូរ៉េ?" ភ្លាមៗ Kris ក៏បានតបថា៖ "បាទ!ពេលហ្នឹងលក់ដាច់ខ្លាំង”។

បន្ថែមពីលើនេះ តារាប្រុសកើតឆ្នាំ ១៩៩០រូបនេះ ក៏បានចែករំលែកបទពិសោធន៍មួយចំនួនថា៖ "វាមានន័យលើសពីបទពិសោធន៍ទៅទៀត។ ខ្ញុំពិតជាស្ញប់ស្ញែងនឹងអ្វីគ្រប់យ៉ាងណាស់។ មានរឿងល្អៗជាច្រើន ហើយក៏មានពេលលំបាកច្រើនដែរ ប៉ុន្តែខ្ញុំចាត់ទុកថាជាពេលដ៏មានតម្លៃមិនអាចកាត់ថ្លៃបានទាំងអស់។ មិនបានឆ្លងកាត់ពេលទាំងនោះ ខ្ញុំក៏មិនអាចក្លាយជា ខ្ញុំដូចសព្វថ្ងៃដែរ ដូចនេះវាក៏ជាផ្នែកមួយក្នុងជីវិត ដែលខ្ញុំរក្សាទុកអមជាមួយ និងបន្តដើរទៅមុខរហូត”។

Kris បញ្ជាក់ទៀតថា៖ "អ្វីដែលជាបញ្ហាធំ ដែលខ្ញុំជួបនោះ ដំបូងគឺពេលវេលា ហើយពេលនោះ ខ្ញុំគ្មានសេរីភាពឡើយ។ ចំណុចទី២ អ្វីដែលមករំខានខ្លាំងបំផុតនោះ ត្រង់ថាខ្ញុំគ្មានសេរីភាពបង្កើតអ្វីថ្មី អ៊ីចឹងហើយខ្ញុំមិនអាចធ្វើបទភ្លេងដែរខ្ញុំចង់ធ្វើបានទេ។ បាទ!ហ្នឹងហើយជាបញ្ហាមួយចំនួន ដែលធ្វើឲ្យខ្ញុំសម្រេចធ្វើជាតារាទោល និងវិលមកកាន់ប្រទេសចិនវិញ”។