ធន់ មករា នឹងពង្រឹងកម្លាំងបន្ថែម ព្រោះយល់ថាខ្លួនធ្លាក់សុហ្វខ្លាំង

2018-10-30 07:43:15
ចំនួនមតិ 0 | ចំនួនចែករំលែក 0

ចន្លោះមិនឃើញ

ធន់ មករា ដឹងថាខ្លួនឥលូវធ្លាក់កម្លាំងសុហ្វខ្លាំង បើទោះជាឈ្នះផ្ដួលដៃគូឲ្យសន្លប់កាលពីថ្ងៃអាទិត្យ នៃពានរង្វាន់ ISI ក៏ដោយ ប៉ុន្តែនៅ២ប្រកួតចុងក្រោយនឹងព្យាយាមហ្វឹកហាត់ឡើងវិញដើម្បីមានឱកាសឡើងទៅវគ្គខ្វែង។

កីឡាករ ធន់ មករា

កីឡាករជម្រើសជាតិថ្នាលគុនខ្មែរខាងលើនេះ បានឲ្យដឹងថា មួយរយៈពេលនេះ ខ្លួនធ្លាក់សមត្ថភាពខ្លាំង ជាពិសេសនោះគឺកម្លាំងតែម្ដង ហើយបើប្រៀបធៀបនិងការប្រកួតកន្លងទៅនោះ មិនដូចមុនឡើយ។ អ្នកប្រដាល់រូបនេះ នៅតែមានសង្ឃឹមថាខ្លួនអាចនឹងបានឡើងទៅជុំទី២ ឬវគ្គខ្វែង បន្ទាប់ពីឈ្នះ១ប្រកួតថ្មីៗនេះ ប៉ុន្តែអ្វីដែលត្រូវធ្វើនោះគឺខំប្រឹងហ្វឹកហាត់ឡើងវិញ។

ធន់ មករា និង សុផាណយ

មករា ប្រាប់ទៀតថា បើនិយាយពីការប្រកួតកាលពីថ្ងៃអាទិត្យដែលបានផ្ដួលថៃ សុផាណយ ឲ្យសន្លប់នាទឹកទី៤ នោះក៏ពិបាកខ្លាំងដែរ ដោយសារដៃគូម្នាក់នេះគេទាត់ឆ្វេងបានល្អ។ ទាត់រហូតខ្លួនឈឺដៃផងដែរ តែដោយសារឃើញថៃម្នាក់នេះចាញ់ជង្គង់ ក៏ព្យាយាមចូលចាប់ និងវ៉ៃជង្គង់រហូតសន្លប់តែម្ដងទៅ។

សុផាណយ ពេលអាជ្ញាកណ្ដាលបញ្ឈប់

ធន់ មករា ពេលឈ្នះកាលថ្ងៃអាទិត្យ

ធន់ មករា បច្ចុប្បន្ននេះកំពុងមាន ៤ពិន្ទុ នៃការប្រកួតសន្សំពិន្ទុក្នុងពូលនៃពានរង្វាន់ ISI ទម្ងន់៥៧គីឡូក្រាម បន្ទាប់ពីប្រកួត២ដង ឈ្នះ១ និងចាញ់១។ កូនសិស្សលោក ធន់ សុភា ម្នាក់នេះនៅសល់២ប្រកួតក្នុងដៃទៀតទើបបញ្ចប់ការប្រកួតសន្សំពិន្ទុនេះ៕

អត្ថបទ៖ នួន ស៊ីណា