ទម្លាយវត្តមានតារាខ្មែរ ត្រៀមឡើងឆាកប្រគំតន្រ្តីជាមួយ Charlie Puth ខែក្រោយនេះ

2018-10-30 11:15:00
ចំនួនមតិ 0 | ចំនួនចែករំលែក 0

ចន្លោះមិនឃើញ

សល់ត្រឹម ៣ ថ្ងៃទៀតប៉ុណ្ណោះ ការប្រគំតន្រ្តីលក្ខណៈអន្តរជាតិ Smart Mega Concert នឹងមកដល់ដោយមានវត្តមានតារាចម្រៀងសញ្ជាតិអាមេរិក Charlie Puth ចូលរួម។ ចុះមានតារាខ្មែរណាខ្លះ ត្រៀមបង្ហាញខ្លួនទៅនោះដែរ។

តាមការបញ្ជាក់របស់ក្រុមការងារបានឲ្យដឹងថា តារាចម្រៀងប្រុសស្រីតំណាងកម្ពុជាឡើងសម្ដែងនៅថ្ងៃទៅ ២ វិច្ឆិកា ឆ្នាំ ២០១៨ នេះរួមមាន កញ្ញា ឡូរ៉ា ម៉ម អេដា ក្រុម ក្មេងខ្មែរ និងក្រុមតូច ដោយមានការសម្របសម្រួលកម្មវិធីពីពិធីករ Jimmy និងកញ្ញា រ៉េត សារីតា។ ក្នុងនោះក៏មានការចាក់ភ្លេចរាំសប្បាយពី DJ Chee ផងដែរ។

អ្នកអាចទៅយកសំបុត្របាននៅសាខាទាំង ៨ របស់ Smart Shop ស្ដង់ផ្ដល់សំបុត្រខាងមុខអគារ Kid City ឬគ្រប់រោងភាពយន្ត Legend ទាំងអស់ លើកលែងតែ Legend Premium។

លក្ខខណ្ឌទទួលបានសំបុត្រ មាន២គឺ៖

បញ្ចូលទឹកប្រាក់ ១០ ដុល្លារ សម្រាប់ Premium Package ហើយបានមកវិញដូចជា សំបុត្រ Premium Pass ១ អាវយឺត ១ បណ្ដោងសោរ ១ Wristband១ កាបូបស្ពាយ ១ និង Glow stick ១។
បញ្ចូលទឹកប្រាក់ ២ដុល្លារ សម្រាប់ Green Package ដើម្បីទទួលបាន សំបុត្រ Green Pass ២ អាវយឺត ១ និងកាបូបស្ពាយ ១។

បើចង់បានសំបុត្របន្ថែម អ្នកអាចធ្វើតាមលក្ខខណ្ឌដដែលជាថ្មីម្ដងទៀត តែសូមបញ្ជាក់ថា ម្នាក់អាចប្រើប្រាស់ឱកាសនេះបានតែ២ដងប៉ុណ្ណោះ៕

អត្ថបទ៖ សុខណា