Guardiola យល់ថា Man City នៅតែបន្តពង្រឹងឲ្យល្អជាងនេះ
- 2018-10-30 13:08:52
- ចំនួនមតិ 0 | ចំនួនចែករំលែក 0
Guardiola យល់ថា Man City នៅតែបន្តពង្រឹងឲ្យល្អជាងនេះ
ចន្លោះមិនឃើញ
ទោះជាក្លឹប Manchester City នៅមិនទាន់ចាញ់មួយប្រកួតនៅឡើយក្នុងក្របខ័ណ្ឌ Premier League អ្នកចាត់ការក្លឹបនេះ លោក Pep Guardiola បានលើកឡើងថា ក្លឹបនេះនៅតែត្រូវខិតខំឲ្យល្អជាងនេះ ដើម្បីប្រកួតប្រជែងដណ្ដើមយកពាន Premier League និង ពាន UEFA Champions League។
អ្នកចាត់ការរូបនេះបាននិយាយថា៖ " ជាការពិតណាស់ ពួកយើងជាក្រុមដ៏ខ្លាំងមួយ ប៉ុន្តែនៅពេលដែលយើងចូលដល់ដំណាក់កាលសំខាន់ៗ ដូចជា ៣ប្រកួតចុងក្រោយក្នុង Premier League ហើយជាពិសេសក្នុងអឺរ៉ុប(UCL) យើងត្រូវតែសម្រេចនូវអ្វីដែលយើងចង់បាន " ។
Pep បានបន្តថា៖ " សង្ឃឹមថាយើងនឹងអាចនិយាយពីបញ្ហាហ្នឹង។ យើងអាចហ្វឹកហាត់និងផ្ដោតបន្ថែម ហើយនៅថ្ងៃក្រោយទៀតយើងនឹងអាចពង្រឹងបន្ថែមបាន " ។
លោកបានបន្ថែមថា៖ " ខ្ញុំគិតថារដូវកាលមុន តំបន់ការពាររបស់យើងរឹងមាំដែរ ដោយរងគ្រាប់បាល់តិច តែនៅពេលជាន់ទឹកដី Emirate(ទឹកដី Arsenal) Anfield(ទឹកដី Liverpool) កីឡដ្ឋានWembly(ទឹកដីបណ្ដោះអាសន្ន Spurs) យើងតែងតែរងគ្រាប់បាល់ជានិច្ច។ តែវាជារឿងធម្មតា ហើយក៏មិនបញ្ហា គ្រាន់តែយើងចង់បានលើសពីនេះ " ។
ក្លឹបមេឃខៀវ Manchester City កំពុងឈរនៅចំណាត់ថ្នាក់លេខ ១ ក្នុងតារាង Premier League ដោយមិនចាញ់សោះ និងឈ្នះ ៨ដង ស្មើ២ដង ហើយមាន ២៦ពិន្ទុក្នុងដៃ តាមដោយ Liverpool (២៦ពិន្ទុ) និង Chelsea (២៤ពិន្ទុ) ដែល ២ក្រុមនេះ ក៏មិនទាន់ស្គាល់រសជាតិចាញ់ដែរក្នុងរដូវកាលនេះ៕