"Find X មានចំណុចសំខាន់មួយដែលស្មាតហ្វូនផ្សេងៗគ្មាន"៖ អ្នកបច្ចេកទេស OPPO

2018-10-31 02:38:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្មាតហ្វូន Find X របស់ OPPO មានខ្សែអង់តែនដល់ទៅ ៨ កន្លែង ដែលបង្កប់នៅពេញមួយតួខ្លួន ធ្វើឲ្យដំណើការនៃការចាប់យកប្រព័ន្ធសេវាចូលទូរសព្ទបានខ្លាំង និងរហ័សជាងបណ្ដាស្មាតហ្វូននានា។

OPPO Find X

បើតាមប្រភពពីអ្នកជំនាញបច្ចេកទេសប្រចាំនៅមន្ទីរពិសោធន៍របស់ OPPO ផ្ទាល់ បានឲ្យដឹងថា ជាទូទៅស្មាតហ្វូនដទៃមានខ្សែអង់តែន នៅតែផ្នែកខាងលើ ឬខាងក្រោមប៉ុណ្ណោះ។

ដោយឡែកចំពោះការផលិតស្មាតហ្វូន Find X មានរាងប្លែកពីក្រុមហ៊ុនដទៃបែបនេះ ប្រភពដដែលបានបង្ហើបថា ពិបាករកកន្លែងដាក់ខ្សែអង់តែនគ្មានទេ ព្រោះតែកន្លែងត្រូវដាក់ខ្សែអង់តែននោះ ជំនួសដោយទីតាំងកាមេរ៉ា ទីតាំង Speaker(រន្ធបញ្ចេញសំឡេង) ឬ កន្លែងស្រូបសំឡេង(Mic) និងមុខងារជាច្រើនទៀត ស្ទើរតែមិនសល់កន្លែងទំនេរសោះ ក៏ប៉ុន្តែ OPPO បានសិក្សាលើផលវិបាកទាំងនោះ រួចសំរេចចិត្តដាក់បញ្ចូលខ្សែអង់តែន នៅគ្រប់កន្លែងលើតួទូរសព្ទកំពូលរបស់ខ្លួនតែម្ដង។

ហេតុផលនេះហើយធ្វើឲ្យអ្នកប្រើប្រាស់ដែលបានចាប់កាន់ Find X មិនថាកាន់នៅផ្នែកខាងណាក៏ដោយ ក៏ទទួលបានសេវាខ្លាំងដូចគ្នា ថែមទាំងអាច Share ទិន្នន័យចេញទៅក្រៅបានល្អ លឿនជាងម៉ូឌែលមុនៗទៀតផង។

ធៀបជាមួយទូរសព្ទផ្សេង បើអ្នកចាប់កាន់ទូរសព្ទចំផ្នែកដែលបង្កប់ខ្សែអង់តែនស្ថិតនៅ នោះការចាប់សេវាបានធ្លាក់ចុះ មិនអាចឲ្យសេវាបញ្ចូនបានដល់កម្រិតពេញលេញទោះទេ៕