អតីតគ្រូ Dortmund ទម្លាយថា Aubameyang មិនព្រមហាត់ព្រោះចង់ទៅ Arsenal

2018-10-31 02:09:20
ចំនួនមតិ 0 | ចំនួនចែករំលែក 0

ចន្លោះមិនឃើញ

Pierre-Emerick Aubameyang បានបដិសេធរត់ជាមួយមិត្តរួមក្រុម Borussia Dortmund អំឡុងពេលហ្វឹកហាត់ ព្រោះតែទាមទារចង់ទៅលេងនៅ Arsenal ពេលទីផ្សារដោះដូរកីឡាករបើកកាលពីដើមឆ្នាំ។ នេះបើតាមការទម្លាយពីលោក Peter Stoger។

Peter Stoger

ខ្សែប្រយុទ្ធវ័យ២៩ឆ្នាំបានបង្ខំឲ្យក្លឹបលក់គេទៅអង់គ្លេសហើយទីបំផុតការផ្ទេរក៏កើតឡើងគឺ Arsenal បានព្រមព្រៀងទិញ Aubameyang ក្នុងតម្លៃកប់ពពក ៥៦លានផោន។ Stoger អតីតគ្រូបង្វឹក Dortmund បាននិយាយថាខ្លួនប្រឹងអស់លទ្ធភាពដើម្បីរក្សាតារាឆ្នើមរូបនេះប៉ុន្តែនៅតែបរាជ័យ។

“Aubameyang បានធ្វើឲ្យខ្ញុំអស់ផ្លូវដើរ។ គេបានហ្វឹកហាត់ធម្មតានៅ៤ថ្ងៃក្នុង១សប្ដាហ៍ ប៉ុន្តែនៅពេលដែល Arsenal ទាក់ទងមកកីឡាកររូបនេះបានបង្កើតសកម្មភាពមិនប្រក្រតីមួយចំនួនដូចជាមិនទៅជួបជុំក្រុមមុនការប្រកួត និងបដិសេធរត់ពេលហ្វឹកហាត់ជាដើម"។ គ្រូបង្វឹកវ័យ៥២ឆ្នាំប្រាប់ដូច្នេះ។

កីឡាករសញ្ជាតិហ្គាបុង បានចំណាយពេល៤ឆ្នាំកន្លះជាមួយ Dortmund ជាទីដែលរូបគេបានអភិវឌ្ឍន៍ខ្លួនក្លាយជាខ្សែប្រយុទ្ធកំពូលមួយរូបនៅតំបន់អឺរ៉ុប៕