ឡៅ ចិត្រា ប្រាប់ពីអារម្មណ៍ពេលត្រូវដៃគូវ៉ៃ១ដៃពេញមុខ ខ្ទាតជិត២ម៉ែត្រកាលថ្ងៃអាទិត្យ

2018-10-31 04:29:24
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកប្រដាល់ជើងខ្លាំងមកពីឆត្រយោង ៩១១ ឡៅ ចិត្រា ថាពេលត្រូវ១ដៃរបស់កីឡាករឡាវ កាលពីប្រកួតសន្សំពិន្ទុថ្ងៃអាទិត្យសប្ដាហ៍មុននេះ គឺងងឹតមុខឈឹង អត់ដឹងទេឯណាកើត ឯណាលិចនៅពេលនោះ។

កីឡាករ ឡៅ ចិត្រា(ក្រហម)

ម្ចាស់មេដាយសំរឹទ្ធស៊ីហ្គេម ២០១៧ រូបនេះបានឲ្យដឹងថា សម្រាប់ការប៉ះគ្នាជាមួយអ្នកប្រដាល់ឡាវ Namphet ម្នាក់នេះមិនសូវជាពិបាកប៉ុន្មានទេ ប៉ុន្តែសរសើរជើងខ្លាំងម្នាក់នេះ គិតចាំតែម៉ាត់។ នៅពេលខ្លួនទាត់ចេញទៅ គឺឡាវរូបនេះឈរចាំម៉ាត់តែម្ដង។ ជាក់ស្ដែង នៅពេលដែលត្រូវ១ដៃកណ្ដាប់មុខ របស់ Namphet គឺងងឹតមុខស្លុបតែម្ដង និងមានតែចាប់អោបដោះស្រាយស្ថានការណ៍សិនហើយ។

កីឡាករ ឡៅ ចិត្រា(ក្រហម)

ប្អូនប្រុស ឡៅ ចន្រ្ទា ម្នាក់នេះបន្ថែមថា ១ដៃនេះចេះចំពេលនៅដើមទឹក ឬនៅមានកម្លាំង ដូច្នេះអាចទប់ជំហរបានមិនឲ្យដួល បើត្រូវពេលអស់កម្លាំង អាចនិងសន្លប់ព្រោះធ្ងន់គួរសម។ នៅពេលដែលត្រូវប៉ុន្មានដៃហើយ ដូចជាយឺតសរសៃ និងដាស់អារម្មណ៍ខ្លួនឲ្យចង់វ៉ៃវិញតែម្ដង។

កីឡាករ ឡៅ ចិត្រា

រំលឹកដែរថា ឡៅ ចិត្រា ប្រកួតចុងក្រោយផ្ដួលកីឡាករឡាវ Namphet ឲ្យសន្លប់នៅទឹកទី៣ កាលពីថ្ងៃអាទិត្យ ទី២៨ ខែតុលា ២០១៨ នៃកម្មវិធីវគ្គសន្សំពិន្ទុក្នុងពូលខ្សែក្រវាត់ខារាប៉ាវ ទម្ងន់ ៦០គីឡូក្រាម៕

វីដេអូប្រកួត៖